1. To the duke of Norfolk,Footnote 1 18 February 1559/1560
Original: TNA, SP 52/2, fo. 51
On de Seure's arrival in London, Noailles informed him of a dispute about French grain ships that had been forced by bad weather to put in to Scarborough and Newcastle. He has, with the queen's permission, sent an agent there to ensure that they can continue their voyage. He asks that Norfolk ensure that this agent be allowed to inspect the goods and that all obstructions be removed in the interest of good relations. If any of the grain has been removed to store in Newcastle, he asks that it be paid for and the money delivered to his agent.
Monsieur, il y a quelques jours que je suis arrivé en ceste ville y aiant esté envoyé par le Roy treschrestien mon seigneur pour y resider son ambassadeur pres la Royne, où Monsr de Noailles mon predecesseur m’a faict entendre que quelque temps au paravant certains navires qui s’en alloient en Escosse chargez de bledz et autres municions de vivres, contrainctz par le mauvais temps s’estoient retirez à Scalbourg et à Neuchastel,Footnote 2 où ilz se trouvoient encores et avoient quelque difficulté de continuer leur voiage ; et pource que le debvoir de ma charge me commande prendre garde à ce que le droict du Roy mond. seigneur luy soit gardé, j’ay supplié la Royne me permettre d’envoier ausd. lieux ung des miens, pour veoir en quel estat sont lesd. navires et munitions et les faire incontinent partir et reprendre leur chemin, ce que sa majesté m’a accordé. Et suivant cela je y a bien voulu depescher le sr de PlaneyFootnote 3 present porteur l’ung de mes gentilzhommes avec une lettre s’addressant à vous, par laquelle vous verrez le volunté et intention de sadicte majesté, vous suppliant Monsieur suivant icelle et en vertu de la bonne amytié et intelligence qui est entre leurs majestez vouloir faire que le tout soit mis en la disposition de ced. gentilhomme pour en user selon qu’il advisera et trouvera que l’estat et qualité desd. navires et munitions comporteront, ostant s’il vous plaist avec vostre auctorité tous les empeschemens qui luy pourroient estre donnez en cela, ce que vostre bonté, et le zelle et affection que je m’asseure qu’avez à l’entretenement de lad. amytié qui est entre leursd. majestez et à l’equité et debvoir, me font aisement promettre de vous, et que ne vouldriez souffrir qu’elles feussent aucunement offensees ny alterees. Et si par fortune il avoit esté deschargé quelque partie desd. bledz à Neuchastel et mis en la munition dud. lieu, il vous plaira en faire delivrer le paiement à ced. gentilhomme pour le m’apporter affin d’en rendre compte au Roy mond. seigneur, et au surplus luy vouloir prester vostre faveur en ce qu’il en aura besoing, dont je vous demeureray particulierement obligé. Et si en recompense j’ay moien de vous faire plaisir et service en quelque endroict, vous ne m’en trouvereez moins prest que je desire estre bien humblement recommandé à vostre bonne [grace]. Priant nostre seigneur, Monsieur, vous maintenir en la sienne. De Londres ce xviije jour de fevrier m vc lix.Footnote 4
Vostre affectionné serviteur et amy,
Le chlr de SEURE.
2. To Marie de Lorraine, regent of Scotland, London, 20 February 1559/1560
Copy: Paris, AE, MD Angleterre 15, fos 62v–63r
On de Seure's arrival, he and Noailles received Marie de Lorraine's letters about the ships taken by Winter in the approaches of Scotland and of the hoy laden with artillery that she had sent to Fife. The queen made a gracious response to their protests but so far little has been done and Elizabeth is very preoccupied with business at the moment. He has sent Marie's letters to France, where the king, queen, queen mother, and Marie's brothers are well. They are anxious for her news and he asks her to send word as often as possible.
Madame, le sr de Nouailles et moy receusmes le jour que j’arrivay pardeça pour resider ambassadeur aupres de ceste Royne, les lettres qu’il vous a pleut luy escripre touchant le prinse des navires que Me WynterFootnote 5 avoit retenuz en arrivant au far d’Escosse et de celle du heuz chargé que vous aviez envoyé porter de l’artillerye au pays de Feifht pour le reduire en vostre obeissance, dont led. sr de Nouailles et moy avons faict instance à ceste dame tant afin de les faire rendre que pour remonstrer les insolences dont a usé en cest endroict led. Wynter, dont nous avons eu assez gratieuse et honneste responce et non telle neantmoins que jusques à present ayons veu faire beaucoup de dilligence pour le faire chastier ny pour les faire restituer bien tost ; estant survenu depuis cela infiniz occasions qui dettienne [sic] ceste princesse fort occupée, je ne veulx faillir vous dire que j’ay envoyé la coppie de vosd. lettres au Roy, et ce qui estoit pour luy faire entendre, lequel se portoit tresbien graces à Dieu et les Roynes sa femme et mere comme encores faisoient messeigneurs voz freres à ma [sic] partement. Ilz sont continuellement en grand travail d’avoir de voz nouvelles et de vous envoyer des leurs parquoy ferez bien de leur escripre fort souvent par les plus seurs moiens que pourrez. Je vous supplie treshumblement adviser si tandis que je seray pardeça aye moien de vous faire cervice et je ne fauldray de m’y employer d’aussi bon cueur comme pour princesse du monde. Et n’ayant pour ceste heure autre chose à vous dire sinon les honnestes et gracieux propos dont a usé ceste princesse, feray fin à la presente en priant nostre seigneur,
Madame, vous donner en parfaicte santé tresheureuze et longue vie. A Londres ce xxme de febvrier 1559.
[ainsi signé au bas] Vostre treshumble et tresobeissant serviteur,
Le Chlr de SEURE.
[et sur les dos pour adresse est escripte seulement] à la Royne
[Lad. lettre est toute escripte de sa main].
3. To Jacques de La Brosse, Henri Clutin, sieur d’Oysel, and Nicolas de Pellevé, bishop of Amiens, 7 March 1559/1560
Copy: Paris, AE, MD Angleterre 15, fos 67v–68v
De Seure has received news of the conflict at Inchkeith by a messenger who went on to France. Montaignac has been sent back and another messenger is going to France with a despatch from the queen of England to the king. De Seure asks them to mediate between the king and the Scottish lords and thus establish peace between France, Scotland, and England. He is trying all he can to secure this. The queen writes like a virtuous princess to Norfolk to enquire about Inchkeith and punish Winter if he is guilty. Would that all her servants were as well disposed. The king and the French court are well and will spend Lent at Amboise if English affairs do not draw them nearer. News from home: the case of a kidnapper in France; negotiations with the Germans about the return of Metz; the king of Spain's marriage; Coligny has resigned the government of Picardy, to the regret of the English; Bourdillon goes to Piedmont in place of Brissac; Jean de Monluc is a member of the conseil privé; disturbances in Paris pacified.
Messieurs, j’ay receu ces jours passez la lettre qu’il vous a pleu escrire au sr de Nouailles par l’Escossoys qu’envoyez faire entendre l’affaire advenu en l’isle aux chevaulxFootnote 6 lequel est allé avecques led. sr à la court et depuis cela la lettre qu’escrivies audict sr par MontignatFootnote 7 laquelle, estant party j’ay ouverte. J’ay retenu icy quelques jours led. Montignac pensant envoyer par luy la conclusion que auroye prise avecques ces seigneurs sur le faict d’une bonne pacification de leurs differens mais cela a esté si longuement debattu que fus finablement contrainct de l’envoyer dès hier, qui m’a mis en peine d’en envoyer maintenant ung autre en son lieu devers le Roy pour accompagner la depesche que ceste dame faict aud. seigneur par son ambassadeur qui est aupres de luy. Je ne vous feray long discours de ce qui se presente pardeça parce que verrez le tout par la lettre que j’en escriptz à la Royne, et par les articles des propos où nous sommes, qui de vray sont ung petit rigoureux. Et toutesfois quant au faict de la pacification de ces seigneurs d’Escosse parce que est chose où le Roy a bonne volunté et inclination, je vous ay bien voulu supplier d’en estre les mediateurs et faire de facon qu’ilz se veullent recognoistre et oublier les choses passées, d’aussi bon cueur comme le Roy les veult pardonner et oublier, et vous gaignerez les renoms de misericorde, et serez cause finablement que par ce moien la pourries establir une bonne paix entre ces trois roiaumes de France, Angleterre et Escosse, à quoy j’ay tel desir que en voys cherchant tous les moiens que je puis. La Royne escript au duc de Nortfort qu’il informe du faict de l’isle aux chevaulx, et que trouvans Me Wynter coulpable il le face bien chastier. De vray elle en parle en vertueuse et bonne princesse, et nous seroit grand plaisir que tous ses ministres eussent telle intention. Le Roy se porte tresbien dieu mercy et les Roynes, et messeigneurs de Guise aussi et sont de present encores à Amboise où il passeront leur Caresme si les emotions de ces seigneurs ne sont occasion de les faire retour plus en ça. Il n’y a gueres de jours que l’on a bruslé ung cirurgien qui avoit falcifié une commission secrette du Roy pour aller prandre les petitz enfans, disans les amener à la court pour applicquer à la santé du Roy, qui estoit mal sain et de peu de vie. Et confessa à la mere avoir gaigné par ceste invention douze mil escuz en quatre mois, faisant rachapter par les peuples leurs petitz enfans qu’ilz croioient mener à la mort, de grandes sommes d’argent. Cest affaire des Allemans qui estoient venuz vers le Roy pour le restitucion de Metz est passé bien doulcement et est tout appaisé dieu mercy, par le moien que le Roy a remis les srs en leurs biens et en la cité soubz sa jurisdiction. Toutesfois les nopces du Roy d’Espaigne se feirent le dernier janvier à Guadalajara.Footnote 8 Monsr de Chastillon a remis es mains du Roy le gouvernement de Picardye au grand regret de ses seigneurs,Footnote 9 et va monsr de Bourdillon en Piedmont au lieu de monsr de Brissac, qui ne veult plus estre. Je vous escritz ces petites choses parce que Montignat m’a dit que n’avez pas souvent nouvelles de France. Monsr de ValenceFootnote 10 est du conseil privé. C’est à vous monsr d’Amyens à qui je parle, par ce que le suives de bien pres. Toutes seditions de Paris sont appaisées. Je vous envoye des lettres que l’on m’a baillé à la court mais je n’ay eu moien jusques à present les vous faire tenir. C’est de vos agentz et amys qui tous se portent bien. Je prie à dieu que tous ces differens se portent aussi doulcement que je le desire afin que vivons à repos et que vous puisse festoyer en passant. C’est l’endroict où je feray fin à la presente apres avoir presenté mes recommandations bien humbles à voz bonnes graces, en priant dieu,
Messieurs, vous donner en santé tresbonne vye et longue. A Londres ce vijme de mars 1559.
[et au bas costé à est contenu :] La Royne n’a voulu pour ceste heure renouveller le passeport de de vous Monsr d’Oysel et vous promectz que luy en ay parlé deux fois, et croy bien qu’elle pense estant la paix faicte que n’en aurez besoing.
[Au dessoubz ainsi signé :] Vostre humble serviteur et amy,
Le chlr de SEURE.
[Et sur le dos pour adresse de lad. lettre est escript :] A Messieurs, Messieurs de la Brosse, d’Oysel et d’Amyens, en Escosse.
4. To Marie de Lorraine, London, 8 March 1559/1560
Copy: Paris, AE, MD Angleterre 15, fos 69r–70v
On his arrival de Seure and Noailles received Marie de Lorraine's letters to the king with Châtellerault's blank contract. The king was glad to have the opportunity to win back the duke and has told de Seure that he wants the duke treated gently. He and his followers should be assured of their rights as long as the king's obedience is assured, all on de Seure's word. As for the queen of England, he found her on her arrival annoyed with Marie and already in arms; the king is annoyed that Noailles had not informed him that things had gone so far. On being informed after de Seure's first audience, the king wrote back to him to order him to tell Elizabeth that he was willing to settle her grievances. It is now possible to agree on the use of the royal arms, forces in Scotland, and the king's preparations for aid to the regent. De Seure has spent five or six days negotiating with the queen and her council; the points about the arms can be easily agreed by the king and, as for French forces, though the English position is hard, de Seure thinks an agreement can be reached. The king wants the regent to keep her troops in garrison without attacking the Congregation's forces. The queen writes to Winter not to attack; he thinks she is sincere, though her position is tough; he does not think that they will accept the maintenance of as many as five infantry companies. De Seure asks whether the regent thinks she can maintain the king's rights with Scots forces alone.
Madame, j’arrivay le xjme du mois passé en [c]este ville où il a pleu au roy m’envoier resider son ambassadeur pres ceste royne, et le mesme jour le seigneur de Nouailles mon predecesseur et moy receusmes une lettre qu’il vous avoit pleu luy escrireFootnote 11 avec une depesche que vostre majesté faisoit au Roy, luy envoiant le blanc sellé et la lettre du duc de Chastellerault pour sa reconsiliation, laquelle nous luy feismes incontinant tenir. Et a esté sa majesté tresaisé de se veoir par ce moien le chemin ouvert d’exercer sa clemence, et se deporter de la voye de force, à quoy la distraction dud. duc de l’obeissance de sad. maiesté l’avoit induicte, aiant tresvoluntiers accepté la recognoissance qu’il en a faicte et resolu le remettre en sa grace comme il estoit auparavant, de quoy il m’a commandé vous en advertir et vous dire qu’il desire que les choses soient traictées avecques toute doulceur à l’endroict dud. duc. Parquoy, Madame, je vous supplie treshumblement vouloir par tous moiens tascher de le retirer à vous, ensemble tous les autres de sa ligue, qui se peuvent asseurer de la trouver autant ployable, à les laisser jouyr de leurs libertez, pourveu que c’est avecques reserve de ses droictz, et de l’obeissance qui luy est deue, comme ilz sauronte [sic] desirer, et le faire sur ma foy et sur ma teste tout ainsi que si en avez lettres du Roy mesmes. Car je le vous dis suivant son commandement et intention, qui porte davantaige que je vous doibve faire entendre la disposition enquoy se trouve ceste royne en son endroit, dont pour vous dire la substance : je l’ay à mon arrivée vers elle trouvé grandement irritée, et ja armée ainsi que vostre maiesté s’en est peu apercevoir de son costé sans que le Roy sceu rien de l’occasion, de quoy sa majesté a esté assez faschée contre led. sr de Nouailles à cause qu’il n’avoit / cherché de l’entendre et l’en advertir pour y remedier si elle procedoit de son costé. Et m’en aiant lad. dame faict les plaintifz dès la premiere fois qu’il luy pleut m’ouyr, j’en escrivis incontinant au Roy, lequel n’aiant autre desir que de continuer la bonne paix et amytié que dieu a mise entre eulx, m’a commandé luy faire entendre de sa part, combien il estoit prest à remedier à ses doleances en ce qui deppendoit de luy. Et au mesme temps estant retourné envers luy l’ambassadeur de lad. dame, il luy a donné telle satisfaction sur tous les poinctz de sa charge,Footnote 12 que par la relation qu’il en a faict les choses ont esté reduictes à traicté d’accord, estant lesd. poinctz de ses doleances en premier lieu, du tiltre que la Royne vostre fille a pris de ce roiaume, et des armories qu’elle en porte qu’ilz preignent pour mauvais tesmoignage de bonne volunté,Footnote 13 joinct avecques les forces que vous avez desja en Escosse, et les preparatifz que le Roy faisoit pour vous envoyer ancores davantaige. Surquoy pour prendre la voye conforme à l’intention du Roy, qui est de leur oster toutes les occasions d’umbre et deffiance, et par consequent restablir les choses en bon estat, j’ay esté cinq ou six jours entiers à traicter avec lad. dame et messieurs de son conseil, où pour conclusion je n’ay eu autre responce de sa derniere determination que ce qu’il vous plaira en veoir par le sommaire des articles que j’en ay voulu dresser à part, lesquelz en partie, en ce qui concerne le faict du tiltre et des armoiries, ensemble de la pacification desd. choses d’Escosse, seroient aisement acceptez et confirmez par le Roy. Mais en ce qui touche la retraicte de ses forces en si peu de temps et aiant si peu d’asseurance, j’ay bien oppinion qu’ilz luy sembleront assez rigoureux. Toutesfois cognoissant le bon vouloir et inclination de sa majesté au repos et tranquilité de / la Chrestienté, et la zelle particullier [sic] qu’il a du costé de ceste dame, j’ay bien voulu les luy envoyer, m’asseurant qu’en ce que la raison et son honneur et reputation luy promectront s’eslargir, ilz se trouveront tant facile, que s’ilz ne se veulent trop eslongner du debvoir, ilz auront occasion s’en contanter. Et luy ay pour cest effect depesché ung gentilhomme expert, et par mesmes moiens n’ay voulu faillir, suivant la permission que lad. dame m’a donné [sic] vous envoyer cestuy cy en compaigné de vostre herault qui estoit venu avecques le sr de Montignac,Footnote 14 pour vous faire entendre toutes choses, afin que les passent d’un costé et d’autre par mesme intelligence. Vous voulant bien en oultre dire, que le Roy trouvera tresbon que facies durant ces traictés contenir voz gens aux garnisons, sans leur permectre d’user de vexacions ny violences sur ceulx de la Congregation, afin de n’alterer poinct davantaige les choses, pour lesquelles esgaler en cela, lad. dame escript au duc de Nortfort, qu’il defende à Me Wynter de ne vous donner aucune fascherie,Footnote 15 comme n’a aussi jusques icy esté son intention qu’il feist. Et pource qu’elle vous faict les excuses de ce qui en est advenu, je ne m’estendray à vous en dire plus avant, sinon que de verité, je veoy qu’elle procedde sincerement et de bon pied en nostre endroict, encores qu’il y ait quelque peu de rigueur. Je ne veulx oublier, madame (d’autant que par ce que je veoy aux disputes que nous avons icy, sur la retraicte qu’ilz veulent que le Roy face de toutes ses forces entierement et sur l’instance que je faiz qu’ilz se contentent icy en souffrir quatre ou cinq compaignies pour la seuretté de sa majesté, j’estime impossible / de les pouvoir faire condescendre à y en pouvoir endurer) vous supplier d’adviser si sans y en laisser, il a auroit moien de prandre asseurance, de l’obeissance et des droictz qui y sont deubz à sa maiesté, commectant l’administration et garde à la fidelité de ceulx du pais. Et si trouvez qu’il se puisse faire, m’en vouloir advertir, pour le faire entendre à sad. maiesté, afin que ceste difficulté vaincue (qui me semble la principalle) l’on peust apres procedder à la termination du surplus des differens, comme je m’asseure qu’il seroit bien aysé de faire. Et s’il vous plaist au retour de ce gentilhomme, m’envoyer ung chiffre, à cause que le sr de Nouailles a oublyé me laisser celluy qu’il avoit avecques vous, ce me sera moien de vous pouvoir plus seurement advertir de ce qui se passera deça cy apres s’il y a chose qui le merite. Priant sur ce le Createur,
Madame, vous donner en parfaicte santé, treslongue et tresheureuze vie. De Londres ce viijme jour de mars 1559.
[et bien bas est signé :] Vre treshumble et tresobeissant serviteur,
Le chlr de SEURE.
[et pour adresse de lad. lattre sur le dos est seulement escript :] A la Royne.
5. To Marie de Lorraine, 8 March 1559/1560Footnote 16
Copy: Paris, AE, MD Angleterre 15, fos 70v–72r
De Seure has informed Marie that the king and the Guises wished matters to be resolved gently. After his second audience it was clear that the English would not agree and he informed the king and stressed the importance of reconciliation with the Scottish lords. The king has said that he wishes for an agreement with the rebels. De Seure has tried to corrupt Maitland of Lethington without success. He has offered the English the quitting of the title to England, confirmation of Cateau-Cambrésis, and the recall of all forces except four or five companies at Leith. They insist on the evacuation of all troops on the argument that they are against the laws of the land. The Scots themselves will accept a pardon and so a deal might be had with them. The queen has many ships ready in the Thames and aims to expel the French from Scotland. De Seure has dissimulated as much as he can. Elizabeth wants him to write to persuade the king to suspend all preparations for aid so as to take Marie by surprise. The affair of the earl of Lennox.
Monsieur [sic] je vous escriviz incontinant apres mon arrivée pardeça par celluy qui nous apporta le blanc scellé du Conte d’Haran que le Roy et messeigneurs voz onclesFootnote 17 avoient intention quant je partys d’aupres d’eulx que ce faict des Escossois passast doulcement / et par reconcilation et quant là où ilz se vouldroient recognoistre il estoit prest de pardonner le tout. Je seroys bien aysé que eussiez eu la lettre. Depuis cela je vous ay envoyé une par ung Flamand nommé Jehan de Bergues de pareille teneur, esperant que l’une d’elles viendroict à vous. Peu apres avoir eu la seconde audience de la Royne d’Angleterre je cogneuz que sa finale intention envers nous n’estoit gueres propre, dont adverty le Roy incontinant, afin qu’il y pensast et se preparast estimant qu’aurez beaucoup d’affaires, et luy remonstray outre premiere resolution qui estoit de se porter doucement en ceste rebellion, la necessité qu’il avoit de les reconcilier à luy et pardonner tout pour eviter le danger present et inconveniens advenir. A quoy led. seigneur m’a faict response qu’il vouloit que vous advertisse que en toute manière avecques quelques conditions et promesses appoincter avecques les rebelles, et que vostre maiesté les reduist par là, et par promesse à son service et obedience. Par tant d’aventure sa depesche se perdoit vous plaira d’adjouster telle foy à la presente comme si l’aviez veue. Car son intention et sa necessité est telle, le temps est trop tard à cause du parlement des Escossoys et des Angloys et des ostages baillez. Et neantmoins vostre prudence est si grande, et avez si grande pouvoir en Escosse que pense que y trouverez remede ny espargnez aucun moien et dilligence. J’ay voulu corrompre LedinthonFootnote 18 et le tourner à nous. Il n’est possible. Nous sommes apres à traicter avecques ces gens cy de tous nos differens, mais je suis venu tard, et leur ay offert que le Roy fera quicter à la Royne le tiltre d’Angleterre et leur reconfermer la traicté du feu Roy, pardonnera aux Escossoys / lesquelz aians recogneu, led. seigneur veult rappeller toutes ses forces et n’y tenir que quatre enseignes ou cinq pour garder le Lict, et pour les faire contenir. Mais ilz veulent en toute sorte que led. sr n’y ait nulle forteresse, ny garnison aucune, disant que cela est contre les loiz du pays. Par ce pouvez veoir qu’il seroit bon de traicter sans eulx avecques les Escossois, lesquelz j’estime se contenter [sic] ayant pardon, que le Roy y tienne quatre ou cinq enseignes et par là viendrons à saulver le pays et le conserver ; sy nous le perdons du tout n’y entrrons aisement. Ceste Royne d’Angleterre a infiniz navires en ceste riviere preparez et en prepare tous les jours. Le final de son intention est de nous chasser de là du tout soit par force ou par accord. J’ay dissimulé avecques ceulx ce que j’ay peu, afin de vous pouvoir advertir. Au retour de ce porteur, baillez luy deux depesches l’une escripte et l’autre sans chiffre. Je sçay bien que le Roy n’acceptera pas la condition de retirer tout car il ne feroit pas saigement. J’escriptz au duc. Si vous le trouvez bon anvoyez luy les lettres dont ce porteur vous dira la teneur, et vostre herault lesquelz vous supplie croire comme moy mesmes. Si ne me fusse ainsi conduict j’eusse perdu le moien de vos advertir de tout ce qui se passe. La lettre qui va sans chiffreFootnote 19 est pour apparence et sauver le faict. Lad. dame m’a voulu persuader d’ecripre au Roy que attendant de voz nouvelles et conclusion d’accord il feist cesser tous apprestz de navires et de gens pour vous mieulx surprendre et nous aussi, mais dieu m’en garde, et luy ay conseillé le contraire et qu’il / s’apreste et que neantmoins il tende à la paix si elle se mect à la raison. Quant à l’affaire de Conte de LenozFootnote 20 le Roy me respond qu’il y fault bien considerer, car cela seroit trop irrité ceste dame est [sic, for et] davantage qu’il fault estre du tout hors d’espoir de traicter avecques le duc, avant que l’en tirer et neantmoins s’il ne se peult autrement en ferez ce que vostre prudence estant sur le lieu en jugera et m’en advertirez. Vostre frere monsieur le marquisFootnote 21 est retourné à la Court et l’avons assez adverty jusques à present. Le Roy a esté deceu de l’intention de ceste dame qui est le mal car il y eust mieulx pourveu.
6. To Marie de Lorraine, London, 14 March 1559/1560Footnote 22
Copy: Paris, AE, MD Angleterre 15, fos 73v–75r
De Seure has already written to inform the regent of the king's desire to pacify Scotland. At the end of last month de Seure received royal letters with his request that she take all measures to agree with the Scots; this he has sent on with a note to this effect so that the queen of England has no suspicion. If the king has to use force this would be expensive and difficult. His envoy to Newcastle has not been able to release the grain. If the king's letters have not reached her, de Seure asks her to lend credence to this letter, having had express command from the king and her brothers. He encourages her to try to detach some of the lords. Negotiations with Elizabeth must be concluded by 20 March, the date she has given for a reply to her unreasonable articles. He asks for frequent news. Elbeuf has withdrawn to Fécamp and the king has called up his galleys.
Madame, je vous ecriviz bien tost apres mon arrivée en ceste charge, où il a pleu au Roy m’envoier, par l’Escossoys que vostre maiesté avoit depesché avecques le blanc du duc de Chastellerault et encores incontinant apres par ung Flamen nommé Jehan de Bergue pour vous faire entendre la disposition enquoy j’avois laissé le Roy à mon partement d’aupres de luy, touchant les affaires d’Escosse, qui est ung extreme desir de les pacifier pour le repos de sa maiesté et de la vostre. Et depuis, je receuz le dernier jour du mois passé une sienne depesche pour vous et une pour moy par où il me commandoit vous faire tenir la vostre, et vous escripre encores de sa part qu’il vous plaise vous efforcer d’y mectre fin et reconcilier à vous les rebelles y usant de tous moiens sans y en espargner ung seul soit par promesse, pardon, bien fait ou autre moien afin d’estaindre le feu qui s’enfamme de plus en plus tant de leur costé que de la Royne d’Angleterre. Ce que j’ay fait, Madame, et vous ay pour cest effect depesché ung gentilhomme nommé le Cappitaine ChapperonFootnote 23 par la poste avecques le herault qui avoit conduict le sr de Montignac jusques icy. A chacun desquelz oultre une belle depesche que j’ay faict toute sans chiffre pour ne faire mectre quelque difficulté au saufconduict que lad. dame m’en a octroié par grande menée myenne et dissimulation, j’ay baillé une petite lettre en chiffre ne contenant autre chose que ce que vous ay dict cy dessus,Footnote 24 qui est la seulle volunté et desir du Roy, estant tresbien adverty de la necessité en quoy vous estes. A laquelle s’il fault remedier par force (comme toutesfois il fera si ceste voye ne sert) ce luy sera une grande despence et incommodité. Et pource que j’ay entendu par ung gentilhomme que j’avois depesché à Neufchastel pour vous faire / envoyer quelques bledz du Roy que les Angloys y avoient retenu qui a neantmoins esté sans effect que led. Escossoys estoit encores là arresté, et que je ne sçay si led. Flaman duquel je n’ay autre asseurance que de sa foy sera allé vers vous. Doubtant d’ailleurs quelque saufconduict qu’ayent lesd. Chapperon et herault qu’il leur advienne comme audict Escossoys, j’ay encores voulu faire l’essay de la voye de ce porteur, afin qu’au moins quelque ung deux puisse arriver jusques à vostre maiesté. Vous suppliant, Madame, si par fortune lad. despeche du Roy estoit retardée ou perdue prester foy à ceste cy, sur ma vie, ayant trespexpres commandement de sa maiesté et de messeigneurs voz freres ainsi la vous dire, et n’espargner chose quelconque en messaiges pour vous porter les lettres. Et encores qu’il soit ung peu tard pour esperer la reconcilation si est ce que vostre maiesté ne doibt laisser de s’attacher à ceulx qui n’ont poinct baillé d’hostages. Car en tout evenement si en pourez retirer quelque ung ce sera d’aultant affoiblir les autres. Le Roy m’a escript qu’il est apres à se resouldre du chemin qu’il doibt tenir avecques le duc pour envoyer devers luy, et a sa maiesté receu toutes voz depesches tant par mer que par terre, celle de Montignac aussi, et se prepare tant qu’elle peult pour vous jecter hors de peine, si les choses ne se peuvent accommoder. Nous sommes en quelque traicté avecques ceste / dame, où neantmoins que bien peu d’esperance, si la premiere occasion du bruict ne cesse, dans le vingtiesme de ce mois nous en verrons l’issue estant le terme qu’elle a donné au roy pour se respondre, sur quelques articles qu’elle luy a envoyé assez desraisonnables, comme j’ay aussi trouvé toutes ses autres actions. Je vous supplie encores que n’aiez rien à m’escrire m’envoyer souvent de voz Escossois, lesquelz au moien de la langue peuvent seurement passer et vous rapporteront ordinairement des nouvelles de deça. Autrement, Madame, encores que je mecte en debvoir de vous en faire sçavoir c’est à l’aventure ne trouvant personne qui s’y vueille hazarder et s’il y en a quelque ung c’est de qualité que je crains plus de luy que ne m’y fie. Monsieur le Marquis est bien assez adverty. Il s’est retiré à Fecam attendant les siens, et le Roy faict venir ses gallaires.
7. From James Hamilton, duc de Châtelleraut,Footnote 25 21 March 1559/1560
Copies: Hatfield, Cecil Papers, 152, no. 71, fo. 97; TNA, SP 52/2, fo. 88*; BnF, Dupuy 662, fo. 302
Printed: Haynes, p. 267;Footnote 26 Paris, Négociations, p. 220
Hamilton has heard that de Seure has written to France to ask for a pardon for the duke's crimes in Scotland. He denies he has ever asked for pardon and has only acted in the service of God and the liberties of the country. Anyone saying the contrary is false and there are a hundred gentlemen to demand satisfaction from de Seure when he has ceased to be ambassador.
*La presente sera pour vous advertir, qu’il est venu à nostre congnoissance, que vous avez rapporté à la Royne d’Angleterre et à son conseil, que nous avons puis nagueres envoyé vers le Roy et Royne de France, pour demander pardon pour nous et noz amys des crimes par nous commis en ce pays d’Escosse; jaçoyt, qu’à la vérité nous n’avons jamais cherché pardon ne remission, ainsy que sommes advertiz que vous alleguez qu’avons faict ; pour aultant que n’avons rien faict que pour l’advancement de la gloyre de Dieu, et pour mayntenir l’ancienne liberté de ce Royaulme. Et s’il y a homme en France, quel qu’il soit, le Roy excepté, qui vueille dire et maintenir, que nous avons cherché ny faict chercher, ou demandé, ou faict demander aulcun pardon ou remission des crymes, par vous alleguez, nous voulons dire et maintenir ce estre faulx et controuvé ; ce que nous verifierons ainsy que le cas requerra. Et si vous mesmes vous estez de tant advancé que d’avoir mis ces choses en avant, comme sommes advertiz qu’avez faict, nous vous advisons, que nous avons cent gentilshommes de nostre nourriture, le moindre desquels est suffisant, vous estant hors de la charge d’ambassadeur que portez pour le jourd’huy, qui vous respondra de sa personne à la vostre, en ceste querelle qu’avez faulsement et malheureusement menty. Faict à Hamylton ce xxime jour de mars 1559.
James Duke of Chastellerault.
8. To the duc de Châtellerault, 28 March 1560
Original: Hatfield, Cecil Papers, 152, no. 77, fo. 104Footnote 27
Copy: BnF, Dupuy 662, fo. 303
Printed: Haynes, p. 270
De Seure has received Châtellerault's letter denying that he ever asked for a pardon and challenging him. He cannot think this is a genuine letter from him, considering that he had not entitled the king and queen properly and that it is inadmissible to challenge the ambassador of such a great prince. He denies that he ever talked of a crime or pardon; in any case, he is responsible only to the king his master. He offers to defend his honour, when he is no longer ambassador, against anyone.
Monsieur, hier, sortant de la presence de la royne, en compagnie de Monsieur de Valence,Footnote 28 que le Roy a envoyé par deça pour ses affaires, vng nomme Maistre Honnys,Footnote 29 l’ung des clercz du conseil de lad. Royne, me presenta, en la basse court de son palais, une lettre signee de vostre nom, addressee par la susscription, par monsieur le duc de Chastellerault à l’ambassadeur de France residant en ceste Court ; en la quelle est contenu, qu’il est venu en vostre congnoissance, que j’ay rapporté à la Royne d’Angleterre et à son conseil, que vous avez puis nagueres envoyé vers le Roy et Royne de France, pour demander pardon pour vous et voz amys de crymes par vous commis au pays d’Escosse, jacoyt qu’à la verité vous n’ayez jamais cherché pardon ny remission ainsy qu’estez adverty, qu’ay allegué qu’avez faict ; pour autant que n’avez rien faict que pour l’advancement de la gloire de Dieu, et pour maintenir l’ancienne liberté dud. Royaume ; et que, reservé le Roy, maintiendrez à tous ceulx de France, que cela est faulx et controuvé, comme le verifierez ainsy que le cas le requerra : et que si moy mesme me suis tant advancé que d’avoir mis ces choses en avant, comme estez adverty qu’ay faict, vous avez cent gentilzhommes de vostre nourriture, le moindre desquelz est suffisant, quant seray hors de ceste charge, pour me respondre de sa personne à la mienne en ceste querelle, qu’ay menty faulsement et malheureusement. Laquelle lettre je ne puis estimer estre vostre, d’aultant que ne l’ay receu par aulcun de voz serviteurs ; et tant moings encores, pource que vous intitulant duc de Chastellerault, comme de faict je scay qu’estez, y a esté oublié, parlant des Roy et Royne, les [appeller voz souverains seigneurs], comme ilz sont ; et qu’elle est de ta[nt esla]rgie, que d’envoyer vng cartel, et vouloir donner dementy sy iniuste à un ambassadeur de si grand prince, qui ne peult estre repris de ses actions de sa charge, que du seul Roy son Seigneur. Et neantmoins je n’ay voulu faillir de y respondre, affin de vous esclarcir du souspçon que monstrez avoir de moy à tres grand tort : et vous dire en premier lieu, quant au rapport faict à la Royne d’Angleterre et à son conseil, qu’estant ambassadeur du Roy, je ne puis estre tenu pour rapporteur, ny user de rapport, soit vers la Royne d’Angleterre, son conseil, ou aultre personne. Quant aux crimes, dont estez adverty qu’ay allegué, qu’avez demandé pardon, je vous declaire que je n’ay jamais dict qu’eussiez commis crime, ny vouldriez l’avoir faict sans commandement du Roy, à qui je lairray tousiours le debat de ceste querelle, ainsy qu’il est trop raisonable ; comme je feray encores du pardon mentioné en lad. lettre, n’estant chose qui me touche en particulier, ny dont je soye tenu rendre compte, comme ne suis aussy de toutes mes autres actions de ceste charge, qu’au seul Roy, nostre souverain Seigneur, en la bonne grace duquel, quand il plaira à Dieu vous reunir, vous pourrez entendre les bons offices que je y ay faict, pour vostre bien et advantage, dont neantmoins je n’entreray en plus long propos, si ce n’est pour vous rendre des maintenant esclarcy, combien mes actions ont esté differentes de voz advertissementz ; vous voulant bien dire, quant à ce que dictez estre adverty, que me puisse estre tant avancé, qu’aye moy mesme mis ces choses en avant, que si quelque sr ou aultre personne d’honneur, qui soit de ma qualité, du nombre de cent gentilz hommes de vostre nourriture, veult m’accuser devant led. sr Roy, que me soye tant avancé d’avoir mis en avant lesd. choses, de la façon contenue en lad. lettre, ny que vous aye procuré mal n’y desplaisir, je luy diray, estant hors de ceste charge, et ayant licence de ce faire du Roy, que, sauf en ce vostre honneur, il aura menty, ainsy le luy maintiendray devant led. Seigneur, de ma personne à la sienne, avecq justes armes de gentils homme, que je luy presenteray m’estant permis ; chose que je suis constrainct vous escripre, non pour gloire, n’y presumption dont je vueille user en vostre endroict, mais pour respondre à ce que l’on m’y pourroit charger ; m’estant Dieu tesmoing des choses que dessus, et du desir que j’ay qu’elles pregnent tel chemin, que je vous puisse faire congnoistre la bonne volonté que j’ay tousiours eu de vous faire service ; auquel endroict, je le prie, Monsieur, vous donner sa grace.
Escript à Londres, ce xxviijme de mars 1559.
Le Chlr de SEURE,
ambassadeur du Roy en Angleterre.
9. To William Cecil, 28 August 1560
Original: TNA, SP 70/17, fo. 110
De Seure thanks the queen for the honour done to him. He understands that Throckmorton (ambassador to France) will have sent inspectors to the French ports and de Seure is commanded to do the same. He has not yet done so, unwilling to trouble the queen on her progress, but now asks for commissions for inspection at Portsmouth, Southampton, and elsewhere, and then he will send to the ports of the Thames estuary. Despite remonstrations made when last at Richmond about pillage of French ships, nothing has been done and the parties have complained to his king. Cases are being dragged out in the ordinary courts. He asks for extraordinary justice to be invoked.
Monsieur de Cecill, j’ay receu la lettre que m’avez escrite du xxve de ce mois par laquelle ay veu l’honneur qu’il a pleu à sa majesté me faire, dont je n’ay voulu faillir à la mercier humblement me tenant tresheureux qu’il luy plaise avoir si bonne souvenance de moy et m’estimerois l’estre encores plus si j’avois moien de luy faire quelque service, ne voulant oublier de vous en remercier aussi comme ministre de telle faveur qui m’oblige tousiours davantaige en vostre endroict. Et au surplus je suis bien aisé que aiez eu nouvelles de Monsr de Trokmorton ainsi que m’escrivez, m’asseurant qu’il n’aura failly à vous faire entendre la provision qu’il a eu par delà d’envoier trois de ses gens par tous noz portz, suivant laquelle le Roy monseigneur m’a commandé faire le semblable par decà.Footnote 30 Mais j’en ay jusques à present differé la poursuyte, tant pour n’ennuyer sa majesté en son progres,Footnote 31 que pour attendre qu’elle eust sceu ce qui en auroit esté faict de nostre costé, d’autant qu’elle m’avoit faict dire qu’il estoit raisonnable que feussions en cela les premiers. Et puis qu’elle ne doute plus que n’y aions satisfaict, encores que pour mon regard je me contentasse de ce que m’avez mandé du desarmement de voz navires et que suivant cela j’en vueille bien adverir le Roy mond. seigneur, je n’ay toutesfois peu faire de moins pour ne faillir au commandement que j’en ay ; de vous depescher ce gentilhomme pour vous prier me vouloir faire expedier les commissions necessaires pour envoier faire semblables visitations en voz portz que vostred. ambassadeur a faict aux nostres, à quoy s’il vous plaist cedict gentilhomme satisfera à Porchemue,Footnote 32 HantonneFootnote 33 et autres endroictz de ce costé là. Et quant aux autres lieux, comme Jellingan,Footnote 34 la bouche de la riviere et ceulx d’aupres d’icy, je y envoieray de ceste ville aiant vostred. commission, pour pouvoir du tout donner telle asseurance au Roy mond. seigneur qu’il n’ait aucune occasion de douter à faire jugement sur sa bonne intention, de celle de sad. majesté. Vous sçavez en outre que je vous parlay avant vostre partement de Richemont de la restitution des navires qui ont durant ces troubles esté depredez par voz gens sur les nostres, dont il m’estoit commandé de faire instance, et en ay encores depuis eu plusieurs recharges du Roy, à mesure que les parties s’en sont allees plaindre à luy. En quoy, encores que vous aiez baillé l’addresse du juge de l’admiraulté pour remede, nous n’y voyons pas grande expedition, ains au lieu de cela il les veult tirer à la voye / de justice ordinaire, et en former des proces, entre ceulx qui se treuvent saysiz des choses depredees, et les mrs à qui elles ont esté prinses, qui n’est pas la facon dont l’on y doibt proceder. Car tout ainsi que c’est ung faict extraordinaire, aussi, si l’on a envie d’en faire raison, doibt il estre traicté extraordinairement et sommairement. Et faisantz les povres gens apparoir de leur droict ilz n’ont que faire de le plaider avecques ceulx qui l’ont acquis de personnes qui ne y avoient aucune action, contre lesquelles ilz peuvent avoir leur recours et garentie si bon leur semble. Par quoy je vous veulx bien prier et tous les autres seigneurs du Conseil de y vouloir donner quelque autre ordre, de sorte que ceulx qui ont perdu leur bien ne se consument icy en despens à le poursuyvre et faire que là où il se trouvera en estre, ou se prouvera sommairement qu’il aura esté mis et delivré, il leur soit rendu ou satisfaict, regardant plustost au devoir de la paix, et à la consequence du faict que au proffit de quelques particuliers à qui il peult toucher. Et ce faisant vous adiousterez autant de tesmoignage à la bonne volunté que vous avez à l’observation et entretenement de lad. paix. Me recommandant en cest endroict de bien bon cueur à vostre bonne grace et priant Dieu Monsieur de Cecill vous donner en santé bonne et longue vie. De Londres ce xxviije jour d’aoust 1560.
Vostre bien affectionné et entier amy,
Le chlr de SEURE.
10. To Francis II, London, 24 September 1560
Original: formerly in L’Aubespine Archives, château de Villebon
Printed: Paris, Négociations, pp. 537–541
On receipt of the king's letters of 10 and 16 September, de Seure sent to Windsor for audience but instead had discussion with Cecil and Wotton on 21 September. They asked whether Monluc and Randan were returning to settle outstanding matters of the Treaty of Edinburgh within the specified time. The queen, anxious for the ratification of the treaty, had drawn up and signed it. He told them that his king's orders just received concerned this and he hoped that the queen would be content with what he had said. He did not reveal the details, in order to have the opportunity to speak with the queen, and they did not press the matter, saying that they reserved their case. He outlined very briefly the king's argument that the ratification must await the agreement of the Scots to their treaty; this they denied. De Seure told them that the Scots’ treaty was too serious to be passed over lightly. Next day he sent for audience but was put off by the queen for a few days at Hampton Court. He went on 22 September (staying in de Quadra's lodgings, where he had been for a week) and saw the queen the next day. She was disturbed at first but he sought to smooth her by gentle words in giving her the substance of the king's discussion with Throckmorton and the king's desire for amity. She listened carefully and stressed her desire for peace, citing her good treatment of French soldiers and officials. Her offer of ratification was a clear sign of this. She insisted that what had been said of Throckmorton's reception of these arguments was incorrect and, if he had done so, she would never employ him again. The Scots’ treaty had nothing to do with hers. De Seure sought to appease her anger, assuring her of his master's good will and asking her not to believe opinions contrary to what the king had said to Throckmorton. She calmed down a little, though still thought the excuses offered were poor.
Sire, je receuz jeudy dernierFootnote 35 deux despêches de vostre magesté : l’une du dixième de ce moys, par ung de la poste de Boulongne, et l’autre du seizième, par ce porteur. Pour auxquelles satisffaire je despeschay incontinant ung homme des miens à Windesore, où est encore ceste royne, pour demander audiance : mais il trouva au sortir de ceste ville le secrétaire Cicill venant icy, auquel il feit entendre l’occasion de son voyage, pour ce que je luy avois adressé, et sus de là il le ramena quant et luy, disant qu’il n’estoyt besoing que j’allasse encores vers ladicte dame, pour ce qu’elle l’envoyoit vers moy, et falloit que auparavant M. WothonFootnote 36 et luy me veinssent trouver pour me parler de quelque chose de sa part ; ce qu’ils feirent le lendemain au matin.Footnote 37 Et m’ayant présenté une sienne lettre portant comandement de les croyre, me demandèrent en premier lieu si messieurs de Valence et de RendanFootnote 38 estoient point encore revenuz, suyvant leur promesse, pour vuyder le résidu des différends, ainsi qu’il est porté par le traicté ; ou bien si j’avois eu quelques nouvelles de leur retour, disant avoir eu charge de ladicte dame, leur maîtresse, venir icy pour cet effect, affin d’y satisfaire de leur costé ou au moins se y offrir dans le temps convenu, pour faire congnoistre qu’il ne tenoyt à eux que les choses promises ne feussent du tout acomplies. A quoy ils adjouxtèrent encore, pour plus grande preuve du devoir où s’en mettoit ladicte dame, qu’elle avoit jusques alors attendu si je irois point la requérir de ratiffier ledict traicté ; à quoy elle s’estoyt dès longtemps disposée et préparée ; et aiant veu que je n’en faisois autre diligence, elle en avoit faict faire ung double, qu’ils tirèrent, sur ce propos, d’ung sac, et à icelluy faict mectre la ratification qu’elle avoit signée de sa main et fait sceller de son grand sceau, et leur avoit commandé de l’apporter pour le me bailler si j’avoys charge et pouvoir de vostre magesté de le recepvoir : ce qu’ils me demandèrent aussi avecques prière et sommation de leur répondre à tous ces points. Je leur dis que le jour précédent j’avois receu une despêche de vostre magesté qui concernoit ce faict, et encore que ce ne feust selon leurs demandes, si espérois-je que ayant faict entendre à ladicte dame ce qui m’estoit mandé par icelle, elle le trouveroit si raisonnable qu’elle s’en contenteroit.Footnote 39
Ils me feirent response qu’ils avoient charge de leur maîtresse d’ouyr tout ce que je vouldrois dire là-dessus, et que je ne devois différer de m’en laisser entendre, veu que c’estoit chose qu’ils avoient traictée et estoit remise sur eux : où ils poursuyvirent assez longuement leur propos avecques autres raisons, sans pouvoir riens davantage tirer de moy, sinon en termes généraulx, pour ne me priver de l’occasion d’aller vers ladicte dame : mais enfin ils me dirent qu’ils n’avoient que faire de m’en presser, ny moins leurdicte maîtresse de plus solliciter vostredicte magesté, de ce à quoy ses depputez l’avoient obligés par ledict traicté, sinon autant que vostre commodité porteroit, pour ce qu’ils sçavoient bien, en tout événement, à quoy s’en tenir, et qu’ils rentreroient en leurs actions, lesquelles n’avoient riens perdu des moiens et commodités qu’elles avoient auparavant.
Qui fut cause, sire, que, pour ne les laisser partir avec quelque mauvaise opinion, je leur touchay sommairement la pluspart de ce qu’il vous avoit pleu m’escripre et mesme la response faicte par delà à leur ambassadeur ; dont ils ne se contentèrent aucunement, disans que leur faict ne devoit estre retardé pour celuy des Escossoys, qu’il en estoit bien séparé et n’y avoit rien de commun, combien que la clause mentionnée en vostredicte response y soit contenue, car elle ne leur peult porter prouffict ny à vostre magesté aucune obligation, sinon en tant qu’ils l’acquerront par l’accomplissement de la condition dont elle est suyvye ; et qu’ils sçavent bien par une aultre response auparavant faicte à leurdict ambassadeur, bien différente de ceste-cy, que le tout ne tend que à longueur. A quoy je leur répondis, que s’ils vouloient bien considérer la raison, j’estimois qu’ils la prendroient autrement qu’ils disoient, car leur traicté oblige par trop vostre magesté à l’endroyt des Escossoys ; pour y passer si légièrement par-dessus ; et que oultre cela vostre dignité seroyt offencée de s’obliger à ses subjects, avant que de sçavoir autre chose de leur intention ; ce que je pensois qu’il seroit de tel pouvoir envers leurdicte maîtresse, qu’elle jugeroit combien ce que en avez faict est fondé en raison, sur quoy nous en demourasmes. Et de là ledict Cecille me parla de ces quatre mil écus dont je luy dicts ce que vostre magesté en avoit faict, et néantmoins je ne veulx faillyr de vous dire que je n’en ay encores eu d’autres nouvelles.
Le jour mesme, incontinent après leur partement, j’envoyay vers ladicte dame pour avoir audience, laquelle elle monstra n’avoir pas grand vouloir de me donner, ayant, comme je croy, desjà auparavant receu la response de son ambassadeur et sceu de lui que j’avois faict icy à sesdicts conseillers,Footnote 40 et sur ce me feist faire response qu’elle n’avoit pas grande comodité de me recevoir là où elle est et qu’elle seroit dans cinq ou six jours à Hamtoncourt, où je pourrois aller et la veoir tout à loysir : y mettant néantmoins une réserve que si j’avoys à luy dire chose d’importance, je y pourrois aller quant je vouldrois. Ce que : ayant entendu, je m’y en allay dimanche,Footnote 41 et envoyay devant pour le luy faire entendre et retenir le logis, qui me fut baillé là où avoit esté le trein et l’ambassadeur d’Espagne,Footnote 42 qui y avoit demouré sept ou huit jours, et en estoit parti le mesme jour que lesdicts Cecille et Wothon s’en estaient venus en ceste ville. Le lundi, après dîner,Footnote 43 je fus receu de ladicte dame, qui se monstra, dès mon entrée, décontenancée, assez altérée ; et néantmoins je ne laissay de luy dire bien doulcement tout ce qu’il vous avoit pleu me commander : luy ayant faict récit des honnestes offres et langaige que son ambassadeur vous avoit usé de sa part et du contentement qu’en aviez eu,Footnote 44 ensemble les remerciemens que m’escrivez avec asseurance de trouver tousjours en vous corespondence de la bonne et sincère amytié qu’elle vous démonstroyt par tels tesmoignages que les occasions pourraient requérir. Et que au surplus vous aiant, son ambassadeur, requis et sollicité de ratiffier le dernier traicté fait entre les depputez de vos magestez, vous luy en aviez faict response si raisonnable, que estimez que l’aiant considérée comme elle en estoit digne, elle la prendroyt en bonne part ; dont, combien que l’eussiez faict bailler par escript à sondict ambassadeur, vous m’aviez commandé de luy faire encore entendre la teneur. Ce que je feis, sire, et la suppliay, suyvant icelle, croire que ce que vostre magesté en a faict n’est pour délayer ny mectre quelque scrupule en la bonne paix et amytié que avez tousjours désiré garder et entretenir avecques elle, ny moins pour rien dimynuer à l’endroyt des Escossoys de vostre bénignité et clémence ; avec plusieurs autres choses faisant à ce propos, sans touttefois en rien m’esgarer de ladicte responce et de l’aultre mémoyre que m’avez envoyé. Sur quoy, après m’avoir assez attentivement escouté, elle me respondit premièrement que l’on cognoistroit tousjours de son costé une sincérité d’amytié et vray désir de la conserver et entretenir perpétuelle avecques vostre magesté, par tous les moyens qui luy seroient possibles : et que à cela pouvoit servir de tesmoignage le zèle qu’elle avoit eu à la pacification des différends, le traictement faict à vos soldats, la comodité qu’elle leur a donné, l’argent qu’elle a faict prester à vos ministres pour leur subvenir, le congé qu’elle leur a libérallement donné à trestous, sans regarder à l’obligation qu’ils avoient passé, tant pour la vuydange du surplus de toutes ses forces : et davantaige, qu’elle estoit bien aysé d’avoir esté la première à faire et offrir la ratification du traicté par ou vostre magesté et tout le monde pourroit assez juger de son intention ; mais, qu’elle voyt bien tout de contraire d’icelle du costé de vostre magesté, et que toutes ces longueurs sont plus fondées sur peu de volunté de satisffaire au debvoir dudict tràicté que sur aucune raison, n’estant celle qui a esté alléguée à sondict ambassadeur bonne ny légitime ; et s’il l’avoit receu pour telle, ainsi que luy disois qu’il semblât comme homme raisonnable avoir faict, elle ne l’emploieroit jamais en chose de son service, car il n’y a point d’apparance que le faict des Escossois doyve retarder le sien, qui n’a rien de commun avecques eulx, ny ne leur peut donner aucune faveur s’ils ne satisffont à ce qu’ils ont promis, dont da condition est si claire en son traicté, que leurs seules actions et déportemens peuvent obliger vostre magesté, et non la ratification dudict traicté. Par quoi est bien aisé à juger où tendent ces excuses, avecques ce que vous estes aussi peu soucyé de renvoyer vos depputés pour parachever la terminaison des choses ainsi qu’il estoit accordé, dont le terme est presque expiré aussi bien que celuy de la ratiffication. Et d’ailleurs, elle est bien advertie de beaucoup de choses qui se manyent de. vostre costé, assez élongnées de l’asseurance que luy voulez donner en apparance, de sorte qu’elle ne sçauroit recevoir ladicte responce en bonnepart, et est bien marrye que les choses ne tiennent meilleur chemin : dont, s’il advient autrement qu’elle ne désire, elle prie à Dieu de faire démonstration de sa grandeur sur qui aura eu tort.
Je cherchay de l’adoulcir le plus qui me feust possible, et m’efforçay luy persuader et voulloir mieulx considérer la raison de la dicte responce, et que vous promettiez bien tant de son amytié et bonne volunté, que estant vostre dignité meslée en cela comme elle est, elle ne la vouldroit souffrir de tant engaiger comme elle seroit, vous obligeant envers ceulx de qui n’avez aultre asseurance : la suppliant vouloir laisser toutes mauvaises oppinions et impressions qu’elle pourroit avoir au contraire de ce que aviez dict à son ambassadeur, et que je luy avois aussi faict entendre de par vous.
Tant que monstrant se modérer quelque peu, après m’avoit réitéré qu’elle trouvoit ces excuses très mauvaises, elle me dict que pour ce que elles estoient fondées sur choses dont la fin se pourrait bien tost voir, estimant que les Escossoys seront de brief vers vous, elle se résolvoit, d’attendre ; et qu’il ne tiendra jamais à chose que son honneur et seureté permette que la bonne paix qui est accordée entre vos magestez ne continue et soit inviolablement observée. Me commandant ainsi l’escripre à vostre magesté, et que si après tout cela il en advient autrement, elle s’en sentira ; assez justiffiée envers Dieu et le monde, et se résouldra à ce qui en pourra succéder et se tenir au plus seur. Sur quoy je prins congé d’elle, et estant ce jourd’huy de retour en ceste ville, je n’ay voulu faillir vous renvoyer incontinent ce porteur pour vous advertir du tout, ainsi qu’il vous a pleu me commander.
Sire, je supplie, etc.
De Londres, ce xxiiiie jour de septembre 1560.
11. To the duc de Guise and cardinal de Lorraine, London, 24 September 1560
Extract: formerly in L’Aubespine Archives, Château de Villebon
Printed: Paris, Négociations, pp. 542–543
Confirms the news of Amy Robsart's death. Dudley is in mourning but will soon have double cause for joy and a high title is being discussed for him. The king is right in thinking that those in England favour the rebellions in France. De Seure asks them to remember what he said about the synod. The queen will stop at nothing to undermine them; the plots being in France, however, it is difficult for him to find out.
Par ma dernière dépesche je vous escripvis la nouvelle qui estoit fraischement venue de la mort de la femme du grant-escuyer,Footnote 45 et à ceste heure, estant mieux vériffiée, je la vous ay bien voulu reconfirmer comme vraye ; de quoy il monstre faire grand deuil. Il est bien maintenant en son pouvoir de luy faire bientost changer en double joye : l’on est après à luy donner quelque hault tiltre selon lequel on pourra faire jugement de sa fortune. Quant à l’opinion que le roy m’escript avoir que ceste dame favorisoit les rebellions de France,Footnote 46 j’estime que sa majesté n’est guères loing de son compte ; et se peuvent souvenir messieurs les ministres qui ont esté icy, particulièrement monsieur d’ÀmyensFootnote 47 de ce que je luy dis touchant le voiage que Guillaume Gray feit par deçà,Footnote 48 et le synodeFootnote 49 dont autreffois vous avoys escript. En quoy j’ay bien encore opinion qu’elle ne s’espargnera pas jusques à ce qu’elle se voye aultrement asseurée de vous. Mais d’autant que les menées s’en vont de vostre cousté, il m’est bien malaysé d’en sçavoir beaucoup, et touttefois je y veilleray le plus soigneusement qu’il me sera possible et vous advertiray de ce qu’en pourray apprendre.
12. To Charles IX, London, 19 December 1560
Copy: BnF, fr. 17870, fos 13r–14vFootnote 50
De Seure did not receive news of Francis II's death until 15 December and the letters of the queen mother seem to have gone astray. He expresses his great regret and vows to pray for his soul and thanks the new king for continuing him in his post, in which he hopes to do good service. The queen of England, having heard the news soon after his last despatch, has relaxed her preparations for war, which were only undertaken because of the threat she felt under, and now there is only talk of peace. She has reason to send the Scots envoys home contented; she can now reassure them of her support at need, especially as that need has passed. She can make general promises and assures Châtellerault and others, while her council writes to the Scots that it will persuade her to support them as long as they maintain the same faith. The Scots envoys left today, having first come to offer de Seure condolences and thanks for the resolution of their affairs in France. De Seure in response spoke of their obligations to their queen and they replied with their desire to write to Châtellerault and others to assemble Parliament to declare obedience to their queen and ask the king and queen mother to maintain the treaties. The same fine words had been used the day before by the Chevalier de Saint-Jean. Discussions followed today with them about their views on their alliance with England. Rumours in London of a French attempt on Gravelines and that the king of Spain is to return to the Low Countries. This rumour may have been spread by his agents there, so that the Netherlanders would agree to the continued retention of the Spanish soldiers.
Sire, dimanche dernierFootnote 51 je receupz une vostre lettre par laquelle vous a pleu me faire entendre le trespas du feu Roy qui a esté la premiere nouvelle que j’ay eu de lui sinon par le bruict qui en estoict assez commun en ceste courtFootnote 52 depuis ce que Monseigneur le cardinal de Lorraine m’avoict escript du commencement de sa malladie.Footnote 53 Par laquelle n’ayant receup la lettre qu’il avoict pleu à la Royne vostre mere m’en faire / ainsi que me mandez dont je ne sçay à quoy me prendre si elle n’avoict par avanture esté baillée à monsieur de Seton,Footnote 54 lequel me dict bien en avoir une pour moy sans me declarer de qui. Mais ne l’ayant trouvé estant icy il me dict qu’il pensoit l’avoir meslée avecques quelques autres depesches que pour plus de seureté il avoict envoyées par mer en Escosse. Et ayant le succez de sad. malladie esté tel j’en ay tout en ung coup senti le regret et ennui qu’en doibvent avoir tous ses bons et fidelles subiectz, comme l’un des plus obligez d’iceulx pour l’honneur qu’il luy avoict pleu me faire de me mectre au nombre de ses serviteurs,Footnote 55 ce que ne pouvant recompenser par autre moien je le feray au moingtz par treshumbles prieres à Dieu de lui faire pardon et me donner la grace puisqu’il vous a aussi pleu me retenir des vostres et me commander de continuer le faict de ceste charge de vous y pouvoir faire service qui vous soict agreable m’estimant tresheureulx d’avoir en quoy exercer mon obligation naturelle et la bonne volonté que j’en ay et auray toute ma vie.
Et pour commencement, Sire, je n’ay voullu faillir de faire entendre à vostre maiesté comme toutes choses ont passé pardeça depuis ma derniere depesche, bien tost apres laquelle ceste dame feust advertie par son ambassadeur de ce malheur et est advenu de ses provisions et preparatifz, qui c’estoient eschauffez ung temps tout ainsi que vostre majesté a jugé. Car estimant par là l’occasion de sa crainte assopie l’on ne parle plus icy de poursuivre lesd. preparatifz qui proceddoient aussi tost ainsi que j’ay escript cy devant des menaces que plusieurs lui faisoient des forces et entreprises dud. sr que d’avoir apparent desseing et n’y ont l’on aussi pour ceste heure aultre langaige que de seureté et repos,Footnote 56 sur quoy elle a eu une honneste argument de renvoyer les Escossois sans mescontentement,Footnote 57 combien qu’elle ne leur aict rien accordé de leurs demandes, car encores que dès auparavant ilz feussent en assez peu d’esperance de leur affaire aupres d’elle sinon de tant que la commodité des siens le pouvoict requerir si est ce que elle leur a peu à ceste heure donner assez belles paroles pour leur faire estimer qu’ilz en eussent eu pour le moingtz de la faveur et secours en leur besoing, ce que à ce que j’ay entendu l’on n’a poinct espargné de leur bien asseurer puis qu’il a semblé que ledict besoing en estoict passé. Et quand à l’advenir les promesses en sont assez generales en ayant ladicte dame escript au duc de Chastellerault et autres des estatz une honneste lettre et ceulx de son conseil une autre promectantz de faire tousiours envers elle tout leur pouvoir pour l’entretenement et conservation de leur bonne confederation et amitié, mesme cependant qu’ilz s’entretiendront en mesme foy et Religion dont estoit proceddez les premiers liens de leurdicte amictié.Footnote 58 Et avecques cela ayantz dès lundi dernierFootnote 59 pris congé de lad. dame s’en sont aujourd’hui retournez en leur pais : mais au paravant, apres avoir entendu ce qui estoict advenu du feu Roy, ilz me veindrent trouver le sabmediFootnote 60 pour s’en condouloir / avecques moy, ce qu’aiant faict avecques force beaulx propos tomberent sur la resolution qu’ilz avoient prise sur leurs affaires laquelle ilz disoient le jour precedent avoir entendue du Chevallier de St JehanFootnote 61 et monstroient la trouver tresbonne et tressaincte se louantz grandement de la bonté et doulce voye dont ilFootnote 62 usoict envers eulx dont ilz avoient bien aussi deliberé faire de leur costé tout ce qui appartenoict à debvoir de bons et fidelles subiectz, sur quoy prenantz toutes ses apparences pour bon payement laissant à Dieu le jugement de leurs intentions en cela puisque la prevue en est passée avec l’occasion, je leur remonstray plusieurs choses de leurdict debvoir envers la Royne leur maistresse dont je ne feray autre recit à vostre Maiesté pour ne l’ennuier ny du surplus de tout le discours qui se passa plus au long d’entre nous sinon qu’ilz me dirent vouloir depescher vers le duc de Chastellerault et autres seigneurs pour leur faire commencer à assembler leurs Estatz afin qu’à leur arrivée devers eulx ilz se puissent determiner d’envoyer vers voz Maiestéz comme je leur persuadois bon nombre de principaulx du pais pour rendre l’obeissance deub à lad. dame leur Maistresse et supplier vosd. Maiestés de leur recepvoir aulx anciennes alliances et confederations qu’ilz avoient avecques les Roys vos predecesseurs, qui feust en somme la conclusion de leur beau langaige lequel avoict esté preceddé d’une autre assez belle harangue dud. Chevallier qui estoict venu vers moy ung jour au paravant et m’avoict usé de mesmes propos touchant l’obligation qu’ilz se sentoient avoir audict sr de sa clemence et bonté et la grande satisfaction qu’ilz avoient eu de la resolution prise sur sa charge et pour continuation de leurs offices. Ilz me sont encores ce matin venuz trouver pour me dire adieu estantz en chemin pour s’en aller et m’ont renouvellé quasi tout ce que dessus et dict s’en aller avecques la mesme volonté d’envoyer vers voz maiestéz pour les effectz dessusd. ce que je leur ay grandement loué et de rechef persuadé sans y obmectre nul autre office qui y peust estre à propos et eulx m’ont prié l’escripre à lad. Dame leur maistresse et les excuser envers elle s’ilz ne l’ont faict d’icy, disantz qu’il ne leur seroict bien seant de lui envoyer ung sien subiect comme eulx faire ce à quoy eulx mesmes sont tenuz et que pour leur rendre la chose plus digne et authorisée il seroict mieulx la faire traicter en leurs Estatz, s’estantz aussi passé entre eulx et moy plusieurs autres propos particulliers entre lesquelz je leur ay touché du faict de la ligue qu’ilz avoient avecques les Anglois pour veoir où ilz en demeureoient, à quoy m’ont dict avoir desja advisé de pourveoir au contentement et satisfaction de voz Maiestéz sans aultrement declarer comment Dieu veuille, Sire, qu’ilz se portent aussi bien en effect comme des paroles et remectant cela au temps qui esclarcist toutes choses, je n’ay voulu faillir d’en faire cependant ce discours à vostre Maiesté pour d’y prendre ce qui lui sembloit bon son service.
L’on a ces jours passez / faict courir ung bruict par ceste ville que les soldatz de vostred. Maiesté avoient voulu surprendre Gravelines et en ont esté les premieres nouvelles si affirmatives que l’opinion en demeure encores telle de quoy je ne ferois gueres bon jugement mesmes s’y estant ung peu au paravant publié comme il se continue encores que le Roy Philippes doibt revenir en Flandres : si je ne sçaurois voz Maiestéz estre si bien emsemble comme elles sont et n’est pas du tout hors du discours de quelques ungs que les Ministres dud. sr l’ayent faict semer pour donner occasion aulx Flamandz d’accorder la retenue des Espagnolz en leur pais pour cest hyver, comme chose qu’ilz veulent leur prendre pour necessaire. Toutesfois je pense qu’il n’y peult rien avoir en tout cela que bonne intention comme j’estime celle dudict sr Roy leur maistre.
Sire, je supplie etc
13. To Catherine de Medici,Footnote 63 London, 18 December 1560
Copy: BnF, fr. 17870, fo. 14v
Condolences on the loss of her son; de Seure is sure that she will accept God's will, shown also by the good order she has already taken. As it has pleased her to retain his service he will do the best he can in the hope that it will be to her satisfaction and will reinforce his obligation to her.
Madame, par les dernieres lettres qu’il a pleu à vostre Maiesté m’escripre j’ay entendu comme il a pleu à Dieu retirer à soy le Roy vostre filz, vous ayant adjousté le nouveau deuil à celui qui vous estoict encores si recent, de quoy j’ay receup ung extreme ennui tant pour la perte de lui que pour le travail et deplaisir qu’elle a laissé à vostred. Maiesté. Neantmoingtz estant sa prudence comme elle est je m’asseure qu’elle le prendra comme venant de la main de celui qui donne et oste les choses selon son bon plaisir, ainsi qu’elle a esté bien monstre par le bon ordre qu’elle a commencé de donner aulx affaires du Roy et de son Royaulme. Et puis Madame qu’il a pleu à vostre maiesté me faire cest honneur de me retenir pardeça pour leur service, je mectray peine d’y faire le mieulx qu’il me sera possible, priant Dieu me donner la grace que ce soict à la contentement et satisfaction de vosd. Maiestez et seconder en cela la bonne volonté que m’en donne l’obligation que j’ay à vostre bonté, de laquelle je recongnoistray tousiours tout le bien et honneur que j’auray jamais en ce monde. Et n’ayant rien oublié en la lettre que j’escriptz au Roy de ce quy se presente icy pour ceste heure, je ne diray autre chose à vostre maiesté sinon que je n’ay poinct esté vers ceste dame depuis me derniere depesche hors mis une fois pour lui presenter Monsr de Seton ou ne se passa rien qui merite vous escripre, suppliant en cest endroict le createur, Madame, etc.
14. To Charles IX, London, 23 January 1560/1561
Copy: BnF, fr. 17870, fos 14v–17v
De Seure has told the queen of England that the king has ordered the withdrawal of his galleys from the Channel to the Mediterranean and that he is determined to foster their alliance, adding some small points in order to bring the queen to the point raised at the end of the king's letter. She showed her great satisfaction over the galleys, since she had found their voyage hither strange after the last peace treaty. Nothing was dearer to her than friendship with her neighbours; war was for the poor and needy, not for those with great kingdoms. She added a long speech on her regret for past quarrels but princes needed to defend their reputations. She asked him to relate her regret for the death of the king's brother and the troubles of his kingdom, in which she never sought to meddle. De Seure in his reply tried to draw her out on the point in the king's letter and on Bedford's sending to France. He thought that there was something other in her mind than suspicion of the galleys, but she remained so cautious that he tried to draw her out by raising the question of the vidame d’Amiens's return to France and his replacement by another hostage. She proved difficult to persuade on this and remained silent for a while until she raised the question of treaty ratification, which Bedford had brought up in France, and the fact that the queen of Scots still used her blazon of arms. She asked him to write to the king. De Seure pretended that he thought she was discussing the Treaty of Cateau-Cambrésis but she immediately replied that she was talking of the last treaty (of Edinburgh), which includes that of 1559. De Seure said he thought that the question of the arms was solved by the death of the late king and that, if she could be contented with the ratification of the 1559 treaty, the return of Calais was included in that and that she could negotiate with the queen of Scots separately. Elizabeth remained adamant that she would have the 1560 treaty confirmed but de Seure thought that she could be content to have that of 1559 if she could get no better. His own opinion is that mediation of disputes by the king of Spain will not serve French interests, especially as the return of Calais is in the interests of his Low Countries. The queen is strong at sea and can damage French interests. The king should freely offer to renew the Treaty of Cateau-Cambrésis rather than add to her doubts that neither treaty would be renewed, and wait to see what happens after six years. She would have accepted this a month ago and he does not know why she has changed. The galleys should not be sent away; she is not so bothered about them as Throckmorton says and they might be of use this summer if she has some plan of revenge in mind. De Seure has wind of many preparations but is not clear where they are directed. They might be aimed at a surprise attack to force him to come to arbitration over Calais. Elizabeth's envoys to Germany and Scandinavia.
Sire, je vous feiz dimanche dernier une depesche assez ampleFootnote 64 pour vous advertir de ce que j’avois apprins de deça depuis une autre petite que je vous envoyai peu apres le partement de mon secrettaire et le jour ensuivant feust le xxe de ce mois je receupz la lettre qu’il vous a pleu m’escripre du ixe du present suivant laquelle j’ay esté veoir ceste Royne lui faire entendre la resolution qu’avez prise de renvoyer voz galleres qui sont à present es mers de deça en celles de LevantFootnote 65 afin de lui oster toutes causes de soubpçon qu’elle pouvoict concepvoir de leur sejour par deça et leur faire congnoistre par voz deportementz le desir qu’aviez de vivre d’oresnavant en tout repos, bonne amitié et tranquilité avecque les princes voz voysins particulierement et aveques elle à qui vous vouliez bien oster toutes les occasions qui la pouvoient induire d’avoir scrupule et doubte du contraire, pour mieulx fortiffier et rendre asseurée vostre commune amitié au grand repos et contentement de voz majestez et de voz subiectz, y adjoustant le mieulx qu’il me feust possible selon les occasions qui s’offroient / plusieurs autres menuz propos qui pouvoient servir à la faire venir au poinct que m’avez escript à la fin de vostred. lettre. Sa response feust qu’elle estoict tresjoyeuse d’entendre que vostre majesté eust ce desir dont elle n’avoict depuis vostre advenement à la coronne aulcunement faict doubte encores que l’on n’eust jusques à present parlé de renvoyer voz galleres lesquelles à la verité donnerent quelque soubzpçon et apportoient bien grande jalousie es costes de son royaume qu’elle estoict bien aisé qu’eussiez pris ceste resolution par ce qu’elles ne vous pouvoient servir de rien de par deça, veu que aviéz si bonne volonté de vivre en paix aveque voz voysins qu’elle avoict trouvée ung peu estrange qu’on les eust faict venir icy long temps depuis que l’accord avoict esté faict en Escosse, quelque excuse qu’on lui en eust dict cy devant comme elle avoict encores faict de quelques preparatifz dont elle avoict esté advertie avant le decedz du feu Roy vostre frere. Louoict Dieu d’avoir donné ceste bonne inspiration à la Royne vostre mere et aulx principaulx princes et sieurs d’aupres de vous, que vous trouverez de son costé pareille correspondance en toutes les choses qui s’offriront pour vous en faire congnoistre l’effect qu’elle n’avoict jamais rien de si cher que la paix et l’amitié des Roys ses voysins, comme la chose plus precieuse que Dieu leur peust envoyer quant ilz sont dignes de sa grace que la guerre estoict le propre des pauvres et necessiteulx et non de ceulx qui ont tant de si beaulx estatz comme les ont voz majestez, qu’il estoict malaisé qu’ung prince peust entretenir la paix s’il ne l’estimoict beaucoup et qu’il se veoict par exemple que les roys qui ne l’avoient eue en estime ne l’avoient jamais peu ny voulu entretenir avec personne, adjoustant à cela ung grand discours du regret qu’elle avoict eu des differendz passéz ausquelz elle avoict esté contraincte d’entrer pour conserver son royaume et sa reputation pour le moindre desquelz poinctz les roys et princes sont obligéz de mectre leur vie comme elle feroict tousiours la sienne quand l’on vouldroict abuser de son amitié comme elle avoict faict au passé, que je ne faillise d’asseurer vostre majesté de la bonne intention que j’avois veue en elle et du deplaisir qu’elle avoict eu de la mort du feu Roy et veoir les troubles qui avoient esté en son royaume, dont elle ne s’estoict, nonobstant leurs differendz, jamais voulu mesler sinon d’aultant qu’elle lui avoict faict offre de son ayde et faveur et plusieurs autres petites choses servantes à ce propos qui seroient superflus de vous escripre. A quoy je lui feiz responce la plus propre pour replicque dont je me peuz adviser tant pour l’aedifier de vostre bonne intention que pour l’attraire au poinct que je desirois de descouvrir, m’estant bien apperçeu à sa contenance, de façon de faire en plusieurs aultres propos qui passerent entre nous, et veoir aller le comte de Bethfort pardelaFootnote 66 qu’elle avoict aultre fantaisie en l’esprit plus grandz que n’estoict le soubzpçon de vosd. galleres le desir de leur renvoy en Lesvant et voz belles offres, et neantmoingtz elle demeura par bien long temps si retenue sans y / vouloir entrer que je feuz forcé affin qu’elle ne s’en apperceust de lui changer propos pour ung temps sur chose toutesfois qui n’estoict si eslongnee de nostre matiere que je n’y peusse rentrer bien tost, ce feust la requeste que je lui feiz de vostre part de laisser aller le vidame d’AmiensFootnote 67 lequel a tousiours esté enfermé et mallade depuis qu’il est arrivé, disant que vostre Majesté lui avoict bien voulu faire ceste requeste pour l’asseurance que elle avoict de lui en envoyer bien tost autres au lieu de ceulx qui y sont maintenant, aulcun desquelz pouvoict desja bien estre par chemin qui tiendroict le lieu dud. vidame et que ce avoict esté une des premieres choses apres avoir pensé aulx affaires, comme je lui avoict dict, qu’il ne demeure en arriere aulcun office du costé de vostre Majesté dont elle se peust plaindre comme elle avoict faict cy devant pour une pareille chose, d’aultant qu’on ne lui en avoict envoyé que trois. Ce qu’elle ne me voulut jamais accorder alleguant plusieurs raisons sur cela, et entre aultres que c’estoict chose qui lui touchoit l’honneur et que puisque vous estiéz obligé d’en bailler quatre qu’elle ne vouloict de son costé estre la premiere qui feist qui prejudiciast au droict du Traicté non plus qu’elle desiroict que vous feissiéz de vostre, que son ambassadeur ne lui avoict encores rien dict de la qualité de ceulx qui doivent venir comme je n’avois aussi faict ny moingtz du temps de leur venue, mais seulement qu’ilz viendroient et que vous estiéz apres à lui en deputer de nouveaulx qu’elle avoict ordonné audict comte de Bethfort de s’informer d’eulx et donné pouvoir s’ilz estoient suffisantz de les accepter et que ce pendant led. sr vidame se pourroict renforcer pour endurer le travail du chemin, ce qu’il ne sçauroict maintenant faire à cause de sa malladie et foiblesse. Et estant demeuré assez longuement pensive, me dist à la fin que le propos lui en remectoit en la mémoire ung aultre qu’elle me vouloict dire : c’estoict que son ambassadeur lui a faict entendre avoir faict instance que vostre Majesté ratiffie ledict traicté comme elle est tenue de faire dont, combien qu’il en aict faict les remonstrances à la Royne vostre mere qu’il doibt, au Roy de NavarreFootnote 68 et à Monsieur le connestable,Footnote 69 il n’a encores eu aulcune response que de dilation et excuses qui ne valent gueres mieulx que celles qu’on avoict accoustumé de lui bailler par le passé ; et davantange que la Royne vostre sœur portoict encores ses armoiries et n’avoict aussi accompli ce qu’elle debvoict faire de son costé, qu’elle me prioict de vous en escripre comme celui qui vous pouvoict tesmoigner qu’elle m’avoict cy devant offert sa ratiffication et combien elle s’estoict portée modestement au faict dud. traicté veu le tort qu’on lui avoict faict au paravant que le feu Roy l’avoict tousiours asseuré de l’accomplir et d’envoyer pardeça des deputéz pour achepver le tout. Je lui respondis la veoyant ainsi changée que je vous en escriprois, mais qu’il me sembloict que ced. traicté qui avoict esté passé en Cambresy n’avoict rien de commun maintenant avec les affaires d’Escosse qui estoient separéz d’avec les nostres, ce que je disois affin de sonder mieulx quelle volonté elle avoict / et pour descouvrir si elle se contenteroict pas pour toutes choses de celluy là lequel ne contient la reddition de Calais que dans six ans d’icy et ne parle poinct de ceste praqticque et d’arbitrage où elle nous a accueilliz par ce dernier faict en Escosse. Mais elle me respondist tout incontinent qu’elle parloit du dernier et non de l’autre qui n’est quasi plus pour rien compté à cause qu’il est compris dedans l’autre. Auquel je sçavois bien qu’il estoict demeuré en arriere plusieurs poinctz à decider qui lui estoient d’importance tant pour la seureté que pour la reparation des iniures et fraiz qu’elle avoict faictz. Je lui replicquay que j’avois tousiours pensé depuis le decedz du feu Roy vostre frere, veu le repos où je l’avois veu depuis toutes les querelles d’Escosse faict des armoiriesFootnote 70 et reparations feussent assopies par sa mort, comme il me semble raisonnable qu’ilz soient, et que à lui en parler franchement j’estimois si elle pouvoict avoir la ratiffication de cestui cy où il n’y a rien de doubteuls, auquel la reddition de Calais est toute asseurée à l’advenir, qu’elle s’en debvoict bien contenter et laisser là toutes ses vanitéz et soubzçons du passé lesquelz en les prenant ainsi chauldement et plus hault qu’elle ne devoict, pourroient bien avec le temps comme est la coustume de toutes differences diminuer vostre bonne amitié et apres cela traicter à part doulcement et amiablement comme avec sa plus prochaine parente et amie les differences qu’elle poict avoir à cause desd. armoiries avecques la Royne vostre seur. Et combien que je n’eusse aulcune charge d’en entrer en propos ny contention avec sad. majesté j’avois neantmoingtz bien voulu comme ministre qui desire de veoir vivre voz Majestéz sans differendz en tout bon repos et tranquilité contents l’un de l’aultre, lui en dire de moi mesme, ce qu’elle en avoict entendu. Sur quoy elle me replicqua que son intention estoict totalement que ledict dernier traicté feust accomply, lequel avoict esté faict par le feu Roy depuis celui de Cambresy et que c’estoict chose qui lui importoict à l’honneur et l’une des causes apres avoir faict autre office qui l’avoient mené d’envoyer vers vous led. comte auquel elle avoict baillé instructions et pouvoir bien amples de ce faict et de toutes autres choses qu’elle pouvoict avoir employées par delà. Je lui feiz comme de moi mesme quelques remonstrance qui me sembloient servir à ce propos, parmy lesquelles je cuiday quasi apercevoir une fois qu’elle se contenteroict quasi volontiers dud. premier si elle ne pouvoict avoir mieulx. Mais cela lui changea incontinent commençeant à s’en retracter et à apercevoir d’y estre entrée par aventure plus avant que son intention n’avoict esté et la veoyant ainsi perseveré en ceste oppinion et qu’elle vouloict tousiours que j’y feisse bon office et que malaisement en pouvoict on tirer lors autre chose, je me departiz d’avec elle. De toutes lesquelles choses je n’ay voulu faillir, Sire, vous donner advis incontinent ainsi que le m’avez ordonné de faire affin qu’avant l’arrivée dud. comte vostre Majesté y puisse prendre / telle resolution qu’il lui plaira et qu’elle verra d’estre convenable au bien de ses affaires n’estant chose où je puisse entrer plus avant ny où j’ose bonnement presumer vous donner conseil de ce que debvez faire. Car d’autre costé j’ay tousiours eu oppinion ainsi que je l’ay des cest esté long temps avant que le faict feust advenu, escript au feu Roy que ceste dispute de reparation d’iniure et fraiz remise, si voz deputéz n’en pouvoient convenir à l’arbitraige du Roy Catholicque, vous devoict estre fort suspecte et à craindre pour estre ce me semble aultant ou plus proceddée de l’invention des ministres que led. sieur envoye pardeça pour nous favoriser durant les troubles comme de ceulx d’icy afin de vous embarquer soubz ceste ambiguité de parolles tout doulcement dès maintenant à la reddition de Calais, dont ilz doubtent fort à l’advenir, laquelle lui est d’aultant importante comme à eulx pour la seureté de ses Pais Bas et à l’adventure vous preparer delà à quelque autre dont il n’a moindre desir d’estre vostre arbitre que de ceste cy, dont je ne veulx parler plus avant pour n’estre chose de ma charge et n’avoir intention de vous mectre en soubzpeçon d’un si bon prince et si vostre allié ny de faire maulvais office à personne du monde de l’autre.Footnote 71 Je ne veoy pas grande moyen si ceste dame veult perseverer en ceste oppinion d’empescher que vous n’ayez à la fin quelque trouble avec elle où je ne puis imaginer grand gaing pour vous de long temps, car ce qu’elle est forte par mer et se fortifiera encores de navires qu’elle faict faire ; pourra soubz ceste occasion de rechef troubler l’Escosse encores qu’elle ne soict vostre, si les affaires demeurent ainsi, et intimidera sy fort voz subiectz qu’ilz ne sçauront exercer leur traffic, pescheries et negoces de quoy voz costes de mer s’apperceveront grandement et pour ce je croy qu’il seroict meilleur et plus profitable pour vous si ledict comte de Bethfort entre si avant comme elle m’a dict en ceste matiere de lui en parler franchement et lui faire office librement de continuer led. traicté de Cambresy comme chose faicte du feu Roy vostre père que d’en prendre quelque dilation qui lui augmente le doubte qu’elle a que ne vouléz tenir ne l’un ne l’autre traicté, duquel à la fin la seule force sera vostre juge, quelque dispute qu’il y aict et ceste voye par ce qu’elle a apparence de juste suspend et achepve, se elle s’en veult contenter comme elle doibt faire, tous voz differendz durant six ans, qui n’est pas peu de chose et vous mect en vostre liberal arbitre de faire lors qu’ilz seront achepvéz, ce que vostre pouvoir et la commodité de voz affaires porteront et d’accoustrer cependant si bien voz besongnez qu’elle et d’autres ayent besoing de vous porter lors plus de respect que maintenant. J’ay esté adverti de bon lieu qu’il y a moingtz d’un mois qu’elle ce feust bien contentée de cela quand pour vostre respect et ne sçay dont ce changement luy est venu si soulbzdain si ce n’est à l’adventure de requerir l’un pour parvenir à l’autre et par là pouvez veoir qu’elle a moindre passion du faict des galleres que son ambassadeur ne vous a dict et que le mal ne lui tient pas là / si est ce qu’il me semble (sauf vostre meilleur advis) que vous ne le debvez renvoyer avant que ce faict soict bien esclairci et voz differentz pacifiéz. Car si elle se confioict tant en sa fortune qu’elle eust quelque entreprise en main fondée sur le temps où nous sommes et sur les troubles passéz soict à Calais ou autre endroict, lesdictes galleres vous feroient cest esté beaucoup de service et commoditéz. Et vous supplie, Sire, treshumblement qu’il vous plaise ne prendre mal ce que je vous en dy ny avoir oppinion que vous veuille mectre en crainte ou soubzpçon pour vous faire condescendre où elle veult, mais encores que c’est le zelle et affection que j’ay de vous faire service et le seul desir de vous veoir prosperer et eviter que ne soyéz surpris en ce commencement de vostre regne, qui m’en faict parler si avant. Il ne se remue autre chose que ce que je vous ay dict cy devant, mais je veoy arriver tout plein de provisions et munitions et departir des armes en tant de lieulx que cela me donne quelque soubzpçon, comme il vous a faict, mais je ne sçay où le faict tend ou si elle auroict, comme je vous ay dict cy devant, quelque oppinion de faire entreprise ouvertement en le surprenant comme vous feistes au despourveu soubz l’esperance qu’elle peult avoir, l’ayant assiegé, de vous en faire condescendre à l’arbitraige que dessus, ou sur la difficulté qu’avéz à cause de la ruine du pais à l’environ d’y pouvoir nourrir une armée pour le secourir aultrement que par mer où elle sçait vous avoir advantaige de beaucoup pour le present, ou bien si elle est si diligente qu’elle face toutes ces choses pour la seureté de son royaume, comme l’on dict ce marchant nommé DimochFootnote 72 que je vous ay escript estre allé en Suede. Est ung personnaige duquel le feu Roy Henry vostre père c’est fort servi en Allemaigne et est homme de menée. Et à ce que j’ay peu entendre il porte lettres d’elle au duc de HolsteFootnote 73 et au comte de MantzfeldFootnote 74 qui sont ces pensionnaires et des lettres de change à ung marchand Ostrelin qui excedent la valeur de leurs pensions. Il est banni du pais bas et est allé descendre en Frize. Vous avez tant de serviteurs en Allemaigne et en Flandres que vous auréz moyen de sçavoir ce qu’ilz traictent, ce qu’il m’est impossible de faire et paraventure aussi malaisé qu’il m’a esté de nul autre temps de me servir bien aisément de ceulx cy pour beaucoup de raisons et du grand guet que l’on ordinairement faict sur moy. J’ay maintenant esté adverti qu’elle a envoyé en toute diligence appeler le comte de Sussech qui est son parentFootnote 75 lequel est gouverneur d’Irlande pour luy donner quelque commission qui s’offre maintenant.Footnote 76 Il est homme asséz entendu et n’ay poinct sceu où elle le veult si promptement employer. / Des Gourretz present porteurFootnote 77 rendra si bon compte à vostre majesté des occurrence de deça que je ne lui en feray à present plus longue lettre.
Sire, je prie et cet.
15. To Charles IX, 16 March 1560/1561
Copy: BnF, fr. 17870, fos 17v–18v
Noailles waited five or six days for his passport to Scotland without seeing the queen, to whom he had no mission and because she had not yet sent her mission of condolence. De Seure has since received the king's account of Bedford's embassy. After the latter's return, de Seure waited three or four days before visiting the queen to give her time to hear Bedford so that he could judge her reaction to the earl's reports of his good reception in France. Bedford came to him to express his thanks in person. The ambassador attended the queen on 14 March and told her of the king's satisfaction at Bedford's visit, to which she replied that his reports on his reception had given her great pleasure. She then led the conversation to the ratification question, though de Seure affected not to notice the direction of her words. She asserted that it was Throckmorton who had been charged to pursue the matter, not Bedford. De Seure replied that deeds were the best guarantees; Throckmorton is likely to renew the request. She added nothing else but that treaties, too, had their part to play in friendship. She did not seem satisfied over the replies to Throckmorton about Queen Mary. Sussex has been sent for from Ireland and it is said that she wants to send him as ambassador to the king of Spain, though there is no sign of this yet. The only reason would be to consult him on the marriage of Queen Mary, over which she is most disquieted. She questioned de Seure about it in his audience and he made replies that would maintain an understanding without any commitment. There is some expectation about the king of Sweden's visit, though this is not actively pursued. She is encouraged by the Spanish ambassador to send representatives to the General Council (that is, the Council of Trent), though she is not interested in this. What she said via Bedford was at the behest of the German princes, with whom she wishes to appear close. In de Seure's audience she said nothing about it. The mission of James Stewart to France; the Scots envoys delay their departure because of Noailles’ mission.
Sire, bien tost apres la derniere depesche que je vous ay faicte du quinziesme du passé, je receupz celle qu’il vous pleust me faire par Revol mon secretaire,Footnote 78 qui ne precedda que de deulx ou trois jours l’arrivée du sr de NoaillesFootnote 79 lequel en sejourna icy cinq ou six actendant de ceste Royne la faveur requise à son passaige : dont n’ayant esté la requeste accompaignée d’aulcun office de visitation envers elle il lui sembla asséz estrange monstrant que c’estoict chose deuee et lui eust esté bien aggreable et neantmointz l’ayant remis à sa volonté apres lui avoir faict entendre qu’il n’en avoict poinct de charge à cause que les offices de condoleances n’avoient encores esté faictz de son costé, elle ne voulust que l’occasion procedast de sa part, mais lui accorda qu’il demandoict, de sorte qu’il partist sans la veoir, ce que j’ay jusques à present differé de faire entendre à vostre majesté, actendant meilleure occasion de lui faire depesche.Footnote 80 Depuis j’ay receup il y a huict jours ce qu’il lui a pleu me mander par Des Gourretz par où j’ay veu ce qui c’est passé sur la charge du comte de Bethford dont je n’avois encores rien entendu, n’ayant receup ce qu’elle dict m’en avoir au paravant escript. Et estant icelui comte arrivé icy deulx jours apres, j’en ay actendu trois ou quatre davantaige à aller vers lad. dame affin de lui donner loysir d’ouyr ce qu’il luy en rapporteroit et que je peusse mieulx veoir en quelle satisfaction elle en demeureroict, mesme si elle seroict conforme pour son regard à celle qu’il a faict prescher et divulguer par tout d’avoir en son particulier du faveur et bon recueil et traictement qu’il a receup de vostre majesté et en tous les endroictz de son royaume où il a esté. De quoy lui mesme me venoict incontinent apres son retour faire rapport et infiniz remerciementz comme à vostre ambassadeur et ministre. Et apres cella j’allay vendredyFootnote 81 vers elle, suivant ce qu’il vous a pleu me commander lui feiz entendre la satisfaction et grande contentement que vous avez de lad. visitation et dignes offices que led. comte vous a faictz et de l’honneste langaige qu’il vous a receu de sa part ensemble la volonté et affection qu’avéz de lui estre aussi bon et parfaict ami qu’elle vous en faict et demonstration de son costé. Sur quoy elle me respondist que led. comte lui avoict faict si bon recit des demonstrations de la bonne volonté qu’il avoict trouvée en vostre majesté et bon recueil et favorable traictement qu’il avoict receup d’elle, de la Royne sa mere, de tous les Princes et seigneurs de sa court et autres de son royaume qu’elle estimoict plus grand qu’il n’avoict esté faict à homme qui y feust allé pour semblable occasion et en avoict un / extreme contentement estimant cela bon commencement et apparence de vraye et parfaicte amitié entre voz Majestéz et leurs royaumes dont elle esperoict si bonne continuation que ce seroict une mesme chose d’elles et de leurs subiectz, s’arestant asséz longuement sur ce langaige avecqu’ plusieurs aultres propos qu’elle entremesla pour me faire tomber sur celui de la ratification. Et veoyant en fin que j’escoutois sans monstrer de m’apperceveoir de son artifice, elle me dist qu’elle avoict donné charge audict comte de vous en faire ouverture et neantmoingtz sans me dire s’il avoict faict ou non pour ce que c’estoict chose fort peu convenable avecqu’ les aultres offices qu’elle lui avoict ordonnéz elle en avoict remis la sollicitation et poursuicte à son ambassadeur, estimant cela ung des meilleurs moyens de vous confirmer en bonne paix et amitié. A quoy je lui replicquay que les œuvres et bons deportementz estoient les plus certains tesmoignages que vous en pouvéz donner l’un et l’autre et que les veoyant telz en vous et de si bonne esperance comme elle me confessoict, il n’estoict besoing d’y mesler aulcun scrupule, ce qu’elle ne prist pas pour entier payement ; et veoy bien que sondict ambassadeur vous en pourra renouveler le propos. Toutesfois pource qu’elle c’estoict lors toute peincte de contentement, elle ne m’en voulut dire autre chose sinon qu’oultre les bonnes volontéz et effectz, les traictez n’estoient pas inutiles ny maulvais instrumentz d’amitié entre les princes. Et laissant vostre particulier elle s’attacha à celui de la Royne Marie vostre sœur et sy monstra quelque peu plus roide n’estant poinct satisfaicte de la responce faicte audict comte, laquelle lui semble plustost tendre à la longueur qu’en volonté d’en venir à la raison qu’elle desire, me comptant sur cela par le menu les replicques que sondict ambassadeur avoict faictes à sad. responce ce [qui] est : ce que lui ayant remonstré qu’elle n’avoict occasion de s’en plaindre veu qu’elle ne lui avoict rien refuzé et qu’elle ne pouvoict moingtz faire que de s’en remectre comme elle avoict faict, elle n’en parla poinct plus avant mais se meict sur autre discours qu’il n’est besoing que je recite à vostre Majesté pour n’y avoir rien d’importance. Je vous avois cydevant escript qu’elle avoict envoyé querir en haste le comte de Sussech son lieutenant en Hirlande, ce qui estoict vray et est icy depuis environ trois sepmaines et à ce que j’ay entendu elle le vouloict envoyer vers le Roy Catholicque comme son ambassadeur.Footnote 82 Ne m’a pas nié mais je ne veoy pas grand conclusion en sa depesche ny ne sçay quelle occasion elle en pourroict avoir si ce n’est qu’elle y voulut faire faire quelque office pour le regard du mariage de ladicte dame Royne vostre sœur dont elle est en le doubte et passion que vous ay / autre fois escript, mesme de ce costé là ; et encores en madicte audience elle feust fort curieuse d’entendre si j’en sçavois quelque chose. A quoy je lui feiz telle responce en general qui me sembla convenir à la continuation de la bonne intelligence de voz Majestéz sans lui dire neantmoingtz chose qui lui en puisse oster ne confirmer son oppinion, me semblant que l’en laisser là ne nuira pas à la faire aller plus retenue en la poursuicte de ce qu’elle desire de vostre Majesté. Celui qu’elle avoict envoyé vers le Roy de Suede lui escrivit dernierement qu’il seroict bon d’envoyer au devant dud. sr sept ou huict navires, donnant quelque esperance de sa venue.Footnote 83 Surquoy l’on a faict courir le bruict de les vouloir apprester. Toutesfois l’on ne s’en eschauffe pas encores beaucoup. Quand au faict du Concile, Sire, ledict ambassadeur d’Espaigne en a quelquesfois parlé à ladicte dame et l’a exhorté de la part de son me à se preparer d’envoyer comme les autres princes de la Chrestienté. De quoy elle n’a monstré jusques à present d’avoir trop grand soucy. Comme je croy qu’elle n’a aussi du temps ny du lieu où il se fera et que ce qu’elle a faict faire par led. comte envers vostred. Majesté a plus proceddé de la sollicitation des princes d’Allemaigne qui l’en ont requise long temps et du desir qu’elle a aussi de vous faire par là congnoistre la bonne intelligence qu’elle a avecqu’eulx que d’autre sienne occasion particuliere ;Footnote 84 ne m’ayant hyer, parmi le recit de tout ce que lui avoict raporté ledict comte devers vous, touché ung seul mot qui approchast de cela. J’estime que aurez entendu jà quelque temps a que le prieur de St André bastard d’EscosseFootnote 85 et quelques autres srs du pais debvoient passer en France, ce que je sçeuz par lettres que l’on m’escrivit de la frontiere deslors que le sieur de Noailles estoict icy. Mais je ne vous en [ay] voulu rien escripre jusques à ce que je sçeusse si l’on leur avoict accordé le passeport qu’ilz avoient envoyé demander à Barwith, estimant bien que sans l’avoir ilz ne se mectoient en chemin. Et depuis j’ay entendu qu’ayant sçeu le passaige d’icelui sieur de Nouailles par deça ilz ont prolongé leur partement jusques apres la termination de leurs Estatz qu’ilz ont à ce que l’on m’a dict, faict de nouveau rassembler et y sont encores de present. Qui est tout ce que je puis dire à vostre Majesté sinon qu’estant apres à lui vouloir envoyer les taureau et dogues qu’elle m’avoict mandé, le comte de Bethford a pris charge de ce faire ainsi qu’il a promis par delà et m’a dict que je m’en reposasse sur lui, ce que je feray, Sire, d’aultant qu’il lui est beaucoup plus aisé qu’à moy de recouvrer des meilleures du royaume.
Sire, je supplie le createur etc.
16. To Charles IX, 4 April 1561
Copy: BnF, fr. 17870, fos 18v–19r
Credence for M. de Sault.
Sire, je ne vous feray autre discours de ce qui c’est passé icy sur la charge qu’il vous avoict pleu donner à Mr de Sault,Footnote 86 m’asseurant que vostre Majesté en sera entierement satisfaict par lui ensemble de toutes autres nouvelles de deça dont, oultre ce qu’il a appris de lui mesmes, je lui en faict entendre ce qui en est, à quoy je m’en remectré pour ne faire tort à sa suffisance et supplieray le createur, Sire, etc.
17. To Charles IX, 23 April 1561
Copy: BnF, fr. 17870, fo. 19r*
Reports the arrest of Catholic gentlemen, including Edward Waldegrave and Thomas Wharton: either an attack on all Catholics or for a particular Catholic conspiracy. It is said that they were conspiring with a friend in Rome and that as a result the papal envoy concerning the General Council will not be received. Also arrested is Lord Edward Hastings, suspected over religion and other matters. A Catholic whom de Seure has spoken to concerning what objective the queen has in assembling war supplies on the Scottish frontier, states that the queen has no definite objective but that all depends on the return of Queen Mary and that, if the latter is married to English disadvantage, Elizabeth would go so far as to invade Scotland to discredit those who favour such a marriage. He says that the ships that have been readied are only to pursue pirates. De Seure cannot be sure whether this is true. The assembly of the Lords of this kingdom is larger than expected and some say that it concerns the queen's marriage. It is for this reason that the departure of the Swedish envoy has been delayed.
Sire, ceste depesche suivant de si pres celle que je vous ay faicte par le cappitaine Seure mon nepveuFootnote 87 ne sera que pour vous dire que le lendemain de son partement l’on admena en ceste ville plusieurs prisonniers desquelz une partie est de gentilzhommes et ne sçay bonnement si c’est pour exterminer du tout ceulx qui maintiennent la Religion Catholicque dont ilz sont du nombre ou bien pour quelque conspiration que l’on aict descouvert s’agiter entre’eulx pour le regard de lad. Religion,Footnote 88 ce que l’on leur impose à ce que j’ay entendu et en sont des principaulx deulx chevalliers qui estoient du conseil de la feue Royne Marie, l’un nommé Edouard WalgraffFootnote 89 et l’autre Nicolas Waltore,Footnote 90 lequel avoict ung temps eu le gouvernement de la Marche comme a maintenant Mylord Grey. Et dict on que cela proceddoict principallement de la suscitation et intelligence d’un de leurs compaignons qui se tient à Romme où il se retira incontinent apres l’advenement de ceste dame, qui semble au jugement de quelques ungs ne debvoir gueres apporter de faveur à la reception de l’ambassadeur que le Pape envoye devers elle pour le faict du Concile.Footnote 91 L’on a par mesme moyen pris le seigneur Edouard de HastinguesFootnote 92 chevalier de cest ordre qui est filz d’une soeur du feu Cardinal PauleFootnote 93 et a esté grand escuier de ladicte Royne Marie et encores qu’il ne soict que puisné de sa maison qui est celle de Hunthinton si est ce qu’il a du credit en ce royaume et est suspect à lad. dame tant pour led. faict de la religion que pour autre occasion. Toutesfois on ne l’a poinct encores mis en la Tour comme les autres : mais a esté baillé en garde à ung les sieurs du Conseil. Ung personnaige qui ne se tient gueres asseuré parmi les persecutions se voulant retirer de [là] la mer m’est venu trouver et apres quelques propos de cela qui ne meritent neantmoingts vous estre escriptz, j’ay esté curieulx m’enquerir de lui, pour estre homme qui a congnoissance des choses d’icy, s’il sçait que la Royne sa maistresse veuille faire quelque entreprinse en Escosse comme il semble par ce que vous ay envoyé qu’il y en aict quelque apparence, lui demandant à quoy peuvent tendre tant de munitions de toutes sortes que l’on a conduictes en les places de lad. frontiere. A quoy il m’a respondu me pouvoir asseurer qu’elle n’y a pour ceste heure aulcun obiect mais que la resolution de ses desseingz de ce costé là procedderoict de celle que rapporteroict Monsr de Sainct AndréFootnote 94 touchant le retour de la Royne sa maistresse, estimant bien que si elle veoict ne pouvoir par le moyen dud. retour asseurer ses affaires et qu’il y aict quelque mariage qui lui puisse causer soubzpçon, elle / ne fauldra pas d’y user des autres moyens qui lui sembleront plus à propos jusques à me dire de se saysir de ce qu’elle pourra de son pais affin d’en degouster ceulx qui pretendent en sondict mariage de la poursuicte d’icellui, et qu’estant chose qu’elle a infiniement à cœur elle se va de longue main preparant pour n’y perdre temps si elle est conduicte à ceste derneiere resolution. Me disant neantmoingts quand aulx navires qui sont de ceste heure sortiz que ce n’est que pour le chastiment de plusieurs pyrates dont ilz sont tous les jours accabléz de plainctes. Or, Sire, je me remectz du tout au bon jugement de vostre Majesté, de messeigneurs d’aupres d’elle et de ce que le temps en descouvrira plus clairement, ne sçachant si ce qu’il m’en a dict est fruict de sa passion pour acquerir quelque faveur en sa determination susdicte ou bien chose de fondement, ce que je ne puis encores gueres bien esclaircir. Et actendant que je le puisse faire je n’ay voulu faillir d’en escripre ce petit discours à vostre Majesté plus pour satisfaire du debvoir de ceste charge que pour aultre occasion que je veoye le meriter. La convocationFootnote 95 que je vous en escript par ma precedente depesche avoir esté faicte de ceste dame des srs de son royaume est plus generalle que l’on ne m’avoict dict, s’estendant quasi sur tous ceulx qui ont quelque qualité de seigneurie dont aulcuns sont desja arrivéz sans toutesfois que j’en sache gueres bien l’occasion, sinon que quelques ungs estiment que c’est pour lad. chose de la religion et autres pour prendre quelque advis touchant le faict de son mariage. Et semble que l’esperance de ce dernier retarde aulcunement la partement du chevalier de Suede estimant d’y meliore sa cause par force belles offres encores que plusieurs tiennent que cela lui servira de peu. Qui sont choses que je ne puis depeindre à vostre Majesté qu’ainsi qu’elles sont maintenant pour ne faillir au jugement de leur yssue, suppliant, Sire, etc.
18. To Charles IX, 29 April 1561
Copy: BnF, fr. 17870, fo. 19v
Diffficulties over the post; de Seure has not written about James Stewart's mission as he thought that the latter would be in France earlier than any despatch. In general, he thinks his mission is to persuade Queen Mary to go to Scotland earlier than any great following could be assembled. De Seure has this from Stewart's servants as their master was not in London long enough to talk to him and was staying with Cecil. Arthur Pole and others have been sent to the Tower, accused over religion and also the casting of spells against the queen by a poor blind priest and a doctor of the late Cardinal Pole. De Seure thinks the real reason is Pole's descent, always suspect to the queen's predecessors. There is also a link to the Percys. The context is pressure on the queen to marry or name a successor.
Sire, deulx jours apres la derniere depesche que vous ay faicte du xxiije de ce mois, j’ay receup celle qu’il vous a pleu me faire du xiije faisantz mention d’avoir eu assez tard les miennes du xvje et xxvjeFootnote 96 du passé qui ne procedde de ma faulte, n’en estant plus la diligence en ma main ny en mon pouvoir depuis que les ay faict mectre delà la mer. Et à dire la verité celles de vostred. Majesté ne me viennent gueres plus diligemment, à quoy j’ay pris garde d’asséz long temps. Et pour cela d’aultant que Mr de Sainct André feust icy bien peu de jours je ne vous escripvi rien de ce que j’avois appris de son faict, / estimant qu’il arriveroict plustost que mes lettres vers vostre Majesté, où je pensois qu’il deubst encores trouver la Royne sa maistresse et que de lui sçauriez le tout, comme je croy bien qu’aurez pour le moingtz faict avant ceste heure. Toute fois je ne laisseray de vous dire que son veoyage tend en partie à attirer ladicte dame en son royaume avant qu’elle y admene autre suicte selon ce que j’ay peu descouvrir, tant par avis que par ce que je tiray d’aulcuns des siens qui me veindrent visiter de sa part, ne l’ayant poinct aultrement veu dont il s’excusa sur son peu de sejour et qu’il estoit logé chez le secretaire Cicil comme en tutele. L’on a encores depuis ce que vous ay dernierement escript mis en prison dans le Tour de ceste ville ung jeune gentilhomme nommé Artus PouleFootnote 97 filz d’un frere du feu Cardinal et cousin de mylord de Hastingues, chevallier, emsemble deulx ou trois autres gentilzhommes et adjouste l’on aulx accusations du faict de la Religion qu’ilz ont voulu user de quelques enchantements contre la Royne dont l’on charge d’avoir faict les pragticques ung pauvre prebstre borgne qui alloict disant des messes où il pouvoict estre receup et ung medecin dudict feu Cardinal lesquelz sont pareillement prisonniers. Mais pour vous en dire la substance le faict du jeune homme porte autre consequence que de la Religion, estant yssu de lieu qui a tousjours esté suspect aulx predecesseurs de ceste dame, envers laquelle le soubzpçon n’en est peu assoupi et c’est d’aultant plus augmenté qu’encores qu’il n’aict rien ayant jusques icy esté nourri et entretenu par ledict de Hastingues. Il estoit fiancé à la fille du Comte de NorthomberlanFootnote 98 l’un des premiers seigneurs du North et chef de la maison de Persy, ce qui a faict doubter qu’il n’y eust soubz cela quelque autre marchandise et ne semble pas du tout hors de propos veu la pretention et adherence de l’un et le pouvoir de l’autre, comme il ne faict aussi d’autre costé d’estimer qu’elle soict sur les erres de penser à un mariage dont elle est sollicitée de ses subiectz pour le moingts à la determination de son successeur, à quoy ne luy est pas mal propre d’avoir en son pouvoir ceulx qui lui pourroient faire quelque trouble.
Je supplie le createur, Sire, etc.
19. To Charles IX, 30 May 1561
Copy: BnF, fr. 17870, fo. 20r
De Seure has given the king's letter to the queen to Dr Wotton and has related the king's response to English objections to d’Avagour as replacement hostage and the English demand for letters of nomination. It was agreed that d’Avagour and Roussy would visit the queen the next day for the former to take the oath and the latter his leave. Moy arrived yesterday so de Seure can send back one of the other hostages. Delay in his despatches is caused by his illness.
Sire, estant venu vers moy le docteur Wothon, je lui baillé la lettre qu’escripvez à lad. dameFootnote 99 pour la lui porter et lui feiz entendre vostre responce sur les difficultez qu’ilz m’avoient faictes touchant la reception du sr de / CourtalpinFootnote 100 et combien aviez trouvé estrange ceste façon si peu necessaire dont entrasmes en quelque dispute pour le desir qu’ilz avoient que vostre Majesté leur en eust escript, qui ne feust toutesfois gueres longue d’aultant que ladicte dame s’estoict determinée, ne pouvant avoir mieulx de remetre le tout sur la faulte de ses ministres, qui me l’avoient advertie de la nomination qui leur en avoict esté faicte. Et sur ce, accordasmes que lesd. srs de RoussiFootnote 101 et de Courtalin iroient le lendemain veoir lad. dame, l’un pour prester le serment de son obligation et l’autre pour prendre congé, ce qui feust faict et suivant cela ledict sieur de Roussy s’en retourne presentement par dela, le sr de MoyFootnote 102 duquel je parlay aussi aud. Wothon arriva hyer au soir en ceste ville. Je ne fauldray le faire recepvoir plustost que je pourray pour renvoier l’un des autres deulx qui sont encores icy. Vostre Majesté pourra avoir esté en peine du long temps que j’ay mis à lui escripre touchant ses affaires de deça, de quoy madicte malladieFootnote 103 a esté cause mais vostre service n’en a pour cela rien souffert.
20. To Charles IX, 17 June 1561
Copy: BnF, fr. 17870, fo. 20v
Moy's reception at court was delayed until 15 June because of Cecil's absence and de Seure's illness. The English still made difficulties over the absence of specific letters from the French king, even though de Seure had agreed with Wotton that the king would not write such letters but that Throckmorton would introduce Moy by letter. After much dispute, Cecil finally agreed that Moy would be received under protest. The queen said that she would accept Moy in regard to his lineage but henceforth would accept no more hostages without specific letters from the French king. The comte de Maure took his leave, before the baron du Pons, who deferred this time to him. The information sent about the person who wished to cross the Channel will serve de Seure for future reference; he will send him elsewhere on the grounds of the good amity between the king and Queen Elizabeth. The lords summoned to the queen are still here. De Seure surmises that they are kept here out of a sense of insecurity in those regions where they are powerful. The queen is not secure over religion and the English are particularly given to signs and prophecies. This is strengthened by the lightning that struck the cathedral of London on 4 June. News from Noailles in Scotland, who has had a good reply from the Scottish assembly.
Sire, j’estime qu’aurez receup ce que vous escripviz du dernier du passé partant d’icy le comte de Roussy et depuis j’ay esté jusques à dimanche dernierFootnote 104 à pouvoir faire recepvoir le sr de Moy tant pour avoir esté quelques jours absent de ceste court le secretaire Cecil, sans lequel on n’y depesche rien, que pour les difficultez qu’ilz ont faictes depuis son retour, toutes semblablement aulx premiers que vous escripviz pour le regard du sr de Courtalin, ce que je n’ay peu traicter pour n’estre encores du tout delivré de ma malladie. Mais aiant entendu la premiere responce que m’en feist faire led. Cicil que la Royne sa maistresse ne le recepveroict poinct sans en avoir lettres expressement de vostre Majesté et que son ambassadeur l’eust aussi au paravant advertie de sa qualité, j’envoyai vers lui l’un de mes secretaires pour lui dire que c’estoict chose que j’avois si bien resolue au docteur Wothon estant dernierement avecques moy que je m’esbahissois grandement qu’ilz la voulussent mectre en dispute, mesme avec si peu de besoing et de fondement. Et affin qu’ilz en feussent mieulx esclairciz et ne s’y actendissent plus, je leur declairois de nouveau que vostre Majesté ne se vouloict aulcunement obliger à leur en escripre comme ilz desiroient, se contentant qu’ilz soient presentez par son ambassadeur comme elle m’avoict commandé faire, sans en aultrement debattre. Et quand à l’information que ladicte dame en vouloict avoir ou bien qu’ilz sçavoient s’il y avoict / satisfaict ou non, de quoy je ne me voulois poinct enquerir, n’estant chose qui depende d’aulcun debvoir de vostre Majesté ny non plus deube ny necessaire que l’autre, sinon en tant qu’ilz le desiroient pour leur satisfaction, pour laquelle seule sans y avoir aulcune obligation n’aviez laissé les leur faire tousjours nommer avant que leur envoyer, de sorte qu’il leur restoict tousiours moingts d’excuse. Et pour ce jour les priois n’y plus mectre de longueur aultrement je serois contrainct d’en escripre de rechef à vostre Majesté, combien je le ferois mal volontiers, m’asseurant que le trouveriez tresmauvais et mal respondant à la syncerité de voz deportementz et au debvoir de vostre mutuelle amitié. Sur quoy led. Cicil se veoyant eslongné de son attente qu’il disoict estre l’intention de ladicte dame sa maistresse, voulut encores avoir recours au Traicté, mais n’y trouvant non plus de faveur que la premiere fois il prist peine de faire responce apres avoir parlé en tout à sadicte maistresse et en conference avec les autres de sondict conseil et vendredy dernier il dict à mon secretaire estant retourné vers lui qu’elle recepveroict led. sr de Moy avec toutesfois quelque protestation qu’elle vouloict faire assignant pour cest affect audict jour de dimanche. Et estants allez vers elle, sadicte protestation feust, à ce que m’ont rapporté tous voz ostaiges qui y estoient emsemble, ausquelz elle ordonna ainsi le faire, que d’icy en avant elle n’en recepvra plus ung seul sans en avoir lettres de vostre Majesté et de son ambassadeur, acceptant neantmointz led. sieur de Moy sans s’arrester à cela pour ceste heure à cause de la congnoissance qu’elle dict avoir de lui et de sa maison. Et par ce moyen le Comte de MaureFootnote 105 a eu congé, qui n’a esté, Sire, pour interrompre l’ordre et commandement de vostre Majesté, mais par le consentement et à la requeste mesme du sr de Pont son nepveu,Footnote 106 lequel lui a voulu deferer cest advantaige pour soulaiger son indisposition qui a tousiours esté tresgrande depuis qu’il arriva de pardeça.Footnote 107 J’ay receup il y a quatre ou cinq jours la depesche qu’il vous a pleu me faire par le Cappitaine Seure mon nepveu, l’advertissement de laquelle quand au personnaige qui vouloict passer la mer me servira pour les autres qui s’y pourroient cy apres presenter, ayant donné dès le commancement telle aultre adresse à cestui là qu’il n’est plus revenu à moy, car je congnoissois bien que telles choses n’estoient gueres convenables à vostred. service. Mais je lui ay desguisé, comme j’avois dès cest hyver faict à quelques autres, sur la bonne amitié qui est entre vostre Majesté et la Royne leur maistresse affin que s’ilz estoient de double intelligence elle n’eust occasion d’y fonder quelque alteration.Footnote 108 Et quand à la convocation desd. seigneurs il y en / a dès quelque temps bon nombre des plus principaulx aupres d’elle. Toutesfois il y a peu d’apparence de partement et semble qu’elle aict voulu par ce moyen en les tenantz aupres d’elle s’asseurer pour tous bons respectz d’aulcuns d’eulx qui lui sont suspectz dans le pais où ilz sont puissantz, n’estant pas du tout en repos de ses affaires, mesmement de la Religion dont ilz sont maintenant reduictz aulx prophecies, signes et prodiges comme ilz ont asséz accoustumé. Et en cela leur est survenu nouvelle matiere d’un coup de fouldre, lequel brusla le quatriesme de ce mois la Grande eglise de ceste ville, qui estoit ung fort bel edifice et quelque autre par mesme moyen dans le pais.Footnote 109 Ilz n’ont encores pris de resolution touchant ce que vous en ay desja escript. Hyer au soir je receupz une lettre du sr de Nouailles du neufiesme de ce mois qu’il m’a envoyé par ung homme que le Prieur de Sainct André a depesché vers la Royne sa maistresse, lequel je n’ay toutesfois veu ny eu loysir de vous escripre par lui pour estre passé sans parler à moy, m’ayant faict bailler lad. lettre par ung autre. Apres son partement et à ce que led. sieur de Nouailles m’escript il partoict ce jour là pour s’en retourner vers vousFootnote 110 et alloict passer à Dombarre pour veoir l’estat en quoy il est ayant à ce qu’il dict eu responce des srs d’Escosse, qui estoient en ceste assemblée si bonne pour le regard de sa charge qu’il avoict eu qu’elle contentera voz Majestéz, ce qui n’est pas sans quelque esperance m’estant apperceu puis quelques jours que ceulx cy ne sont pas contens de tout des Escossois. Toutesfois vostre Majesté entendra le tout plus particulierement par led. sr de Nouailles qui ne debvra gueres tarder à estre icy, oultre ce qu’en aura porté led. Escossois qui est passé. Et n’ayant pour ceste heure autre chose qui merite vous escripre je feray fin, suppliant le createur, Sire, etc.
21. To Catherine de Medici, 17 June 1561
Copy: BnF, fr. 17870, fo. 21v
The unreasonable attitude of the English over the hostages. The severe effects of pain in De Seure's legs.
Madame, vous verrez, s’il vous plaist, par ce que d’escriptz au Roy comme ceulx cy ne se peulvent acquicter ny payer de raison pour la presentation des ostaiges encor’ que leurs disputes soient si mal fondées qui ne sçavent rien alleguer de plus fort que leur volonté, à quoy voz Majestés prendront tel expedient que leur prudence adviseront y estre convenable. Je n’ay peu estre à traicter ces choses pour me trouver seulement à ceste heure abandonné de la douleur de la malladie et avoir encores à combattre la foyblesse qu’elle m’a laissé qui a esté si grande que j’ay esté percluz des jambes jusques à present. Toutesfois j’espere avecqu’ l’ayde de Dieu, en estre bien tost dehors. En actendant aultre occasion d’escripre plus au long à vostre Majesté, je supplierai, Madame, etc.
22. To Charles IX, 13 July 1561
Copy: BnF, fr. 17870, fo. 22r
De Seure's negotiations (with d’Oysel) on the conditions for Queen Mary's passage to Scotland, which Elizabeth has blocked because of the failure of ratification of the Treaty of Edinburgh. Nothing he has said will persuade her. D’Oysel will report on this in detail.
Sire, vostre Majesté aura peu veoir par la depesche que le sieur d’Oysel et moy lui avoient envoyée apres l’audience que nous eusmes de ceste Royne l’estat en quoy nous en demeurasmes et comment elle nous avoict remis à aujourd’hui pour avoir responce des choses dont l’avons requise pour la seureté du passaige de la Royne Marie vostre sœur, qui est telle qu’elle nous a non seulement esconduictz des choses qui concernent entierement sa seureté mais aussi du passaige dud. sr d’Oysel en Escosse, en alleguant plusieurs raisons là-dessus dont la principalle est le refus de ceste ratifficationFootnote 111 dont avez jà ouy parler si franchement et avec sy peu de dissimulation qu’aulcune persuasion ny remonstrance que je lui aye peu faire de vostre part et de celle de la Royne vostre mere ny d’autres dont je me sois peu adviser ne nous y ont en rien peu proficter, comme m’a encores faict tout le debvoir et bonne diligence que led. sieur d’Oysel y a faict, ainsi que vostre Majesté pourra entendre de ce porteur, qui est secretaire de ladicte dame Royne vostre sœur, lequel nous a semblé debvoir renvoyer devers voz Majestés en toute diligence pour les tenir adverties de ce que dessus, actendant que led. sr d’Oysel aict recouvert les depesches necessaires pour son retour devers elles pour leur rendre lui mesme conte particulierement et à bouche de tout ce qui y est passé, dont il me semble n’estre besoing que je vous face pour ceste heure autre discours ny des affaires de deçà pour le peu de temps qu’il y a que vous ay faict entendre l’estat en quoy elles estoient et en avoir dict à ce porteur ce que j’en ay appris depsuis.
Sire, je prie le createur etc.
23. To William Cecil, 15 August 1561
Original autograph: TNA, SP 70/29, fo. 46
Notifies him of the departure of the queen of Scots on two French galleys with a number of French lords. The latter include François de Lorraine, Grand Prior, and the sieur de Damville, who wish to visit England on their return journey and request passports for themselves and forty gentlemen of their suite. De Seure asks for them to be handed to two French merchants who are on their way to Scotland in pursuit of property stolen by a Scots pirate off Brittany last May. He would have come to court himself had he not had problems both with his illness and with servants. He is awaiting reply by Cecil to a message by a French resident of London. The king has written again about the pursuit of fugitive finance officials who may have taken refuge in London. On 23 July, two brothers of Lord Cobham arrested at Canterbury one of de Seure's secretaries bringing letters from France. They gave the letters to Wotton, who opened them and kept them for three or four hours. French messengers are constantly ill-treated on the road from Dover. De Seure demands that action be taken against this.
Monsieur je receuz avanthier une depesche du roy mon maistre par laquelle il me faisoyt entendre le partement de la royne d’Escosse douairiere de France qui s’en va retirer en son royaulme sur deulx galleres dud. sr avecques laquelle pour l’acompagner le plus honorablement qu’il a peu, il a envoyé plusieurs seigneurs et gentilzhommes et entre aultres monsieur le grand prieur de France,Footnote 112 l’un des oncles de lad. dame et monsr de DampvilleFootnote 113 second filz de monsr le connestable, lesquelz pour le desir qu’ilz ont de veoir sa majesté et ce pays ont deliberé de repasser par ce royaulme s’il luy plaist leur accorder lettres et passeport pour ce faire, dont led. sr roy mon me m’a ordonné de requerir sa majesté de sa part, ce que je n’ay voullu faillir de faire et à ceste cause envoyer expressement ce porteur qui est mon serviteur, avecques la presente devers vous pour vous prier bien affectueusement comme je faiz d’estre moyen et faire tant que sad. majesté m’acorde les deux passeportz et lettres pour les seigneurs dessusdictz, lesquelz pourront bien avoir en leur compagnie jusques à quarante gentilzhommes de leur suytte, assavoir vingt cinq avecques le grand prieur et quinze pour le sr de Dampville.Footnote 114 Et les ayant faict depescher les bailler à ced. porteur, lequel j’avoys deliberé de faire passer en Escosse pour les leur porter, n’eust esté la venue devers moy de ces deux marchandz nostres Guillaume Lambier et Jehan Lulle que i’ay envoyé vers vous en sa compagnie à qui je les pourray bien bailler pour excuser ceste corvee et depense, pourveu qu’il plaise aussi à sa majesté leur accorder ung passeport qui leur est necessaire pour passer en poste en Escosse où ilz vont en diligence pour procurer d’y recouvrer ung navire chargé de toilles vallent plus de douze mil escus qu’un pirate escossoys leur a prins et robbé ès mers de Bretagne durant le mois de may dernier, ce que je vous supplie aussi d’estre moyen que sa majesté / leur ottroye promptement en faveur et pour l’amour de moy, d’autant que le roy m’en a escrit en la leur pour en faire instance à la royne ; laquelle ne ce faisant me fera une bien grande grace et faveur et vous ung singulier plaisir duquel et d’assez d’aultres dont vous suis tenu au passé me revancheray quant il vous plaira m’employer à cause du grand desir que j’ay de pouvoir, oultre le commandement que le roy m’en faict satisfaire à sesd. deux seigneurs en cella ausquelz sur tous de leurs maisons je suis tenu d’une moienne bienveillance et affection. Et fusse allé moy mesmes tres vouluntiers faire ceste requeste à sad. majesté si je me fusse trouvé en disposition pour ce faire et moyns travaillé que je ne suis en maladies de serviteurs. Et affin que vous n’ayez soubson comme il pourroyt advenir que lesd. marchandz n’alassent pardellà pour aultre raison que ce que dessus, j’ay bien voullu vous faire veoir ce que le roy m’en a escrit. Ilz porteront avecques eux pour l’aller et retour de leurd. voyage quelques cent ou six vingtz escus, lesquelz il vous plaira faire mettre parmy lesd. passeportz affin qu’ilz ne soyent empeschez ou retenuz sur ceste ocasion au sortir de la frontiere, qui est la moindre somme qu’ilz puissent porter avecques eulx. Et si paraventure à l’arrivee de ced. porteur ne m’aviez encores faict responce de l’affaire dont je vous ay escript ces iours passez par ung franchois demourant en ceste ville nommé La Sochie, il vous plaira la me faire à son retour d’aultant que le roy m’a de rechef escrit qu’il est adverty que aulcuns de ses mauvais garsons de tresoriers à qui il fait faire le proces pour les chastier ainsi que je vous ay escrit, doibvent prendre le chemin de se retirer par decà, dont ie n’ay encores veu autre aparence et m’excuser aussy si je ne vous envoyay lors comme le devoir l’eust bien requis homme des myens expres ainsi que je l’eusse faict sans les raisons susd. qui sont tresraisonnables pour tenir de la voulunté / de Dieu. Et n’ayant rien de nouveau pour ceste heure digne de vous faire entendre, je feray fin à la presente par mes affectionnees recommandations à vostre bone grace en priant nostre seigneur,
Monsr vous donner en parfaitte santé heureuse et longue vie. A Londres ce xv d’aoust 1561.
Vostre affectionné et entier amy,
Le chlr de SEURE.
Ainsi que je achevoys la presente il m’est souvenu de vous dire que le xxiije du passé deux freres de mylord CoubanFootnote 115 qui se trouverent lors à Cantorbery y aresterent l’ung de mes secretaires qui venoyt de France et porterent les lettres qu’il m’apportoyt qui n’estoyt que deux bien petites, de nulle consequence au docteur WouttonFootnote 116 qui les ouvrist et le retint plus de troys ou quatre heures et qui n’est pas bien fait. Sur quoy j’ay bien voulu vous dire qu’il est necessaire d’y donner ordre affin qu’il ne se face plus, comme il est encores à une infinitté de griefz et mauvais traittemens que l’on fait ci devant aux Francoys qui viennent ny sur le chemyn de Douvre et à Douvre aussy, ou aultrement je seray forcé avecques mon grand regret et desplaisir d’en advertir le roy mon me affin que semblable traittement seroit fait aux vostres par dellà. Je quoy j’ay esté assez de foys requis par les gouverneurs de Dieppe, Calais et Boulongne, mais je tousiours temporise esperant que vous y demanderez meilleur ordre, ce que je vous supplie de faire.
SEURE.
24. To Charles IX, 21 August 1561
Copy: BnF, fr. 17870, fo. 22r
De Seure has had difficulty in pursuing the case of the fugitive treasurers but is assured that the queen would not allow them to take refuge in England. He has not so far discovered any of them here. Yesterday he heard from the commendator of Inchcolm that the queen had accorded the passports for Queen Mary but that Mary had left Calais before they could be of any use. The queen is highly displeased with those who argued against the safe passage for Mary, which she would have agreed had she been informed in time. De Seure thinks that she is not displeased that Mary has gone to Scotland so that she can be kept informed often of what she is doing. She also freely accorded the passports for the Grand Prior and Damville. A census of strangers in London is being taken in order to expel all those not naturalized, except for religious refugees. Lady Katherine Grey, a prisoner in the Tower, is more than six months’ pregnant; if the child is male, his birth could bring changes in the kingdom.
Sire, je n’ay plustost faict responce à vostre Majesté sur ce qu’il lui avoict pleu de m’escripre du xvje touchant le doubte qu’elle avoict que les Tresoriers et Recepveurs de ses finances qui se trouveroient avoir forfaict en leurs administrations ne se voulussent retirer et mectre en saulveté en ce RoyaulmeFootnote 117 à cause que ceste Royne a faict si peu de sejour et arrest à ce commencement de son progres, que celui que j’avois envoyé pour cest effect devers elle n’a peu avoir sa depesche pour me venir retourner jusques à mardi ; m’ayant faict asseurer ceste Royne qu’elle n’est pour permectre ny souffrir que nul desdictz Tresoriers ne autre personne qui aict faict faulte à vostre service soict recueilly ny recelé en ce royaume, s’estant offerte là où j’en pourrois descouvrir dès à present quelqu’un d’en faire au bon plaisir et volonté de vostre Majesté, ainsi que la bonne et perfaicte amitié et intelligence d’entre vous le requiert et comme elle vouldroict que feissiéz en semblable vers elle. De quoy je n’aye voulu faillir incontinent vous advertir, ne m’estant jusques à / icy apperceu que nul d’eulx s’y soict encores retiré. Et par mesme moyen vous dire que j’entendiz hyer d’un gentilhomme escossois nommé LevistonFootnote 118 escuier de la Royne que ceste Royne avoict accordé à l’abbé de L’Isle St Cosme,Footnote 119 que ladicte dame avoict envoyé devers elle, tous les passeportz et saufzconduictz qu’elle lui avoict donné charge lors qu’elle estoict à Calais de lui venir demander pour plus de seureté de son passaige, lesquelz elle n’a peu neantmoints recepvoir à temps pource qu’elle estoict partie avant que led. Leviston qui avoict charge de les lui porter feust arrivé à Douvres pour les lui bailler à Calais. Et davantaige que ceste Royne faisoict fort la mal contente contre ceulx qui avoient eu oppinion qu’elle eust voulu faire effort de lui empescher sondict passaige ny procurer de lui faire aulcun mal et empeschement à sondict voyage, lequel au contraire elle eust voulu favoriser si elle en eust esté advertie de bonne heure et envoyé devant elle personnaige aggreable, dont vous croyréz ce qu’il vous plaira. J’estime bien à la verité qu’elle ne soict pas marrie que lad. dame soict retiré sur le sien par ce qu’elle sçaura bien aisément et souvent de ses nouvelles. Lad. dame m’accorda aussi au mesme temps fort liberalement les deulx passeportz que je lui demandé pour Messieurs les Grand Prieur et de Damville qui ont volonté de repasser en ce royaume pour le veoir, lesquelz je leur avoict au paravant la venue dud. Leviston envoyéz. L’on faict maintenant descripre tous les estrangers qui sont demeurants en ceste ville et pense l’on par ce quil y en a ung grand nombre que c’est pour en dechasser tous ceulx qui n’y seront naturaliséz, excepté ceulx qui y seront accouruz pour la religion. Dame Catherine, qui est prisonniere, est grosse de plus de six mois et pense l’on si elle venoict à faire ung enfant masle que cela pourroict bien admener quelque nouveaulté en ce royaume.Footnote 120 Qui est l’endroict, Sire, etc.
25. To Charles IX, 11 October 1561
Copy: BnF, fr. 17870, fo. 22v
A few days after the return of the queen to London, de Seure went for an audience and to convey a message from the Grand Master of Malta asking for the reception of an envoy to negotiate the restoration of the order's property in England. She showed herself not unsympathetic but the problem is so complex that some other compensation might rather be hoped for. The Privy Council is opposed to the coming of such an envoy and Throckmorton is charged in France to make reply there. Discussing the amity between the two monarchs in general, she was pleased at the courtesy of sending back Hertford without difficulty and thanked the French king. This gave de Seure the opportunity to raise the case of the treasurers again and the queen promised to send back any who entered the country. Mewtas, on being sent to Scotland, took a draft modification of the Treaty of Edinburgh in the hope of getting Mary to ratify it, since she had said that, besides the question of the arms, there were other points included that concerned only the late King Francis. Mary will be pressed on all sides to agree to Elizabeth's security, though Mewtas has fallen ill on the journey.
Sire, estant l’estat des choses d’icy tel que me donne assez peu d’argument de vous escripre ceste lettre, ne sera que pour ne vous en laisser en suspend par trop longue tardiveté de le vous faire sçavoir, de quoy je remectz les particularitéz au cappitaine Seure mon nepveu present porteur pour le vous faire, s’il vous plaist, entendre. Et vous diray seulement que trois ou quatre jours apres le retour de la Royne en ceste ville,Footnote 121 je feuz devers elle tant sur l’occasion de lui faire la reverence que d’y faire quelque office que mr le Grand Me de RhodesFootnote 122 m’avoict commandé pour la venue par deçà du Commandeur de ChanteraineFootnote 123 affin d’y procurer le restablissement et restitution des biens de la Religion, dont par mesmes moyen j’entamé la negoce pour en sonder sa volonté qu’elle monstre n’estre pas malvaise en ce qu’elle pourroict d’elle mesmes, mais la chose conciste en tant de difficultéz que l’on en pourroict plustost ung jour esperer quelque autre honneste recompense que cela. Ce pendant ceulx de son conseil n’ont esté d’advis de laisser venir led. Chanteraine et seulement ont donné charge à l’ambassadeur de lad. dame qui est au pres vostre Majesté de luy en faire la responce pardelà.Footnote 124 Nous entrasmes apres sur le propos de la paix et amitié qui est entre voz Majestéz, de la bonne continuation d’icelle dont entre aultres bonnes demonstrations qu’elle en veoyoict de vostre costé elle tenoict à grand courtoisie de n’avoir eu difficulté à retirer de vostre royaume le comte de HertfordFootnote 125 et me dist, monstrant avoir son faict grandement à cœur qu’elle vous en mercioict bien fort, qui me feust occasion de lui ramentevoir encores le faict des Tresoriers et recepveurs de vostre royaume qui se pourroient retirer par deçà, la merciant aussi de l’honneste offre qu’elle en feist lors que je lui en envoyai faire requeste de vostre part, laquelle elle me confirma de nouveau, me promectant s’il y en vient quelcun de le vous faire tout aussi tost rendre. Autre chose ne s’y passa digne de vostre Majesté. MeothisFootnote 126 que je vous escripviz dernierement avoir esté depesché par elle vers la Royne d’Escose porta selon que j’ay entendu de bon lieu quelque minutte de Reformation du Traicté dernier passé audict pais pour veoir si le pourroict ainsi faire passer à ladicte dame Royne d’Escosse, d’aultant qu’elle avoict faict difficulté de la ratiffier comme il estoict tenant excuse qu’oultre la cession du tiltre et armoiries de ce royaume il comprenoict beaucoup d’autres choses à son prejudice qui avoient esté couchées plus pour le respect du feu Roy des François que pour le sien. Il ne tiendra à estre bien sollicitée et recherchée de tous partiz qu’elle ne s’accorde au repos et seureté de ceste dame de ce costé là. Toutesfois pour estre led. Meothis tombé mallade en chemin et les choses d’aultant retardées je n’en puis pour ceste heure dire plus avant à vostred. Majesté, laquelle je supplieray encores treshumblement oultre ce que j’en escriptz à la Royne sa mere vouloir commander que je sois depesché des choses contenues en sa lettre comme je faiz en cest endroict le createur, Sire, vous donner etc.
26. To Catherine de Medici, 19 October 1561
Copy: BnF, fr. 17870, fo. 23r
De Seure has not pursued payments for his extraordinary expenses, which have been heavy over the last year, and insists that he has spent carefully. Having borrowed money in London and pressed for repayment, he is forced to send his account for reimbursement. He asks that he not be kept waiting as he has been for other expenses. Otherwise, the credit of French representatives here will be damaged. He can then retire to look after his own affairs and be cured of his illness, since it is difficult for foreigners to get treatment in this country. He asks for his congé in order to recover his health.
Madame, les empeschementz où j’ay continuellement veu vos Majestéz pour les affaires du royaume et la crainte que j’ay eu de vous envoyer, m’ont gardé vous demander plustost remboursementz de plusieurs fraiz extraordinaires qui me sont survenuz en ceste charge pour le service du Roy, dont j’avois dès la fin de juillet dernier cloz les parties pour une année durant laquelle, comme vostre Majesté sçait, les affaires ont esté grandz et si alteréz icy mesme du temps du feu Roy, qu’oultre la vigilance que j’y ay usé pour ne laisser rien passer qui concernast le service de voz majestéz sans les en advertir que je n’ay peu de moingtz [sic, for moyens] d’y despendre beaucoup, combien qu’au regard des choses qui s’y sont passées si l’on les veult mectre en consideration l’on ne trouvera que j’y aye faict trop maulvais mesnaige. Et estantz les derniers [sic, for deniers] provenuz d’empruntz que j’ay faictz en ceste ville à interestz que j’en paye tous les jours, n’ayant eu autre moyen de satisfaire, j’ay esté contrainct, pour me trouver pressé de les rendre, me resouldre / d’envoyer lesdictes parties par le cappitaine Seure mon nepveu present porteur, vous suppliant treshumblement, Madame, vouloir faire donner ordre que j’en sois payé et ne permectre que j’en tombe aulx longueurs et difficultéz où je suis encore des autres choses qui me sont deub[es] du passé, considerant que, m’estant engaigé pour telles occasions il n’est raisonnable que j’en souffre davantaige et que l’exemple de cela s’il m’adevenoict, n’accroistroict pas en ce royaume le credit de voz ministres sans lequel m’eust esté bien malaisé de detracquer plusieurs choses qui ce sont offertes. Et me faisant ce bien de m’en faire rembourser ce me sera moyen de m’acquicter icy dont me seroict bien apres expedient et convenable de partir avecqu’ le bon plaisir et vouloir de voz Majestéz pour aller donner ordre à plusieurs miens affaires particuliers et encores plus principallement pour l’indisposition qui me reste de ma malladie, de laquelle les medecins m’ont dict qu’il me sera fort difficile me recevoir [. . .]Footnote 127 en ce royaume comme il advient à tous les estrangers qui y tombe mallades, qui me faict aussi treshumblement vous supplier, Madame, vouloir faire que led. remboursement soict accompaigné de mon congé y envoyant, s’il vous plaist, ung autre en ma place, pour me pouvoir retirer pardelà affin d’essayer avecqu’ l’aide de Dieu, de l’air et des remeddes du pais, de recouvrer mon entiere santé pour vous faire apres meilleur service comme je feray toute ma vie de tel zelle et affection que mon debvoir me commande. Et n’ayant plus plaisant discours à vous faire, je laisseray cestui cy ennieulx pour supplier le createur,
Madame, vous donner etc.
27. To Charles IX, 4 November 1561
Copy: BnF, fr. 17870, fo. 23v
Following the king's instructions, de Seure has striven to discover the state of negotiations between England and Scotland and since his last despatch has found out everything, hence this discourse: the queen of Scots, being pressed for the ratification of the Treaty of Edinburgh (of which she had given some promise before her departure), the nobles of that country intervened to assure the union of the two countries by requesting the queen of England to decide the succession in their queen's favour. This was put forward by Livingston when he came here, without naming the Scots queen directly, though it seems that the latter was ready to satisfy her obligations before demanding anything else, since her subjects wanted to propose the latter point so that there would be no problem with the first, knowing that Elizabeth was favourable to them. However, it transpires that the queen will in no way declare her successor since it is bound to disturb her security, this nation being so changeable, and a successor could be used against her. So, she wishes to leave the decision to God's will without further discussion in her lifetime, though, as for her own inclinations, she would rather leave it to the Scots queen than any other. The Scots lords argued that their queen could not ratify the treaty since she would not then be able to demand her right of succession unless the terms were modified as they had suggested. Elizabeth replied that their queen and any of her children were not to use the arms during her lifetime, while reserving any rights they had. These modifications sent via Mewtas had still not been discussed until after the Scottish Parliament. The Scottish queen has chosen as her councillors James Stewart and the earls of Atholl, Morton, Huntley, and Bothwell, excluding the duc de Châtellerault and his son because of their quarrel with Bothwell. Hertford and Lady Katherine are still in the Tower, though she is allowed to feed her child; it is thought that they will stay there without losing their heads. It would not make sense to put them to death because, besides the lack of a legal case, should the Scots queen trouble this kingdom, Lady Katherine's son would be a useful obstacle as the people here would prefer a male heir born in this country. For this reason, the queen has not declared Lady Katherine unable to succeed, despite her doubts arising from her faults and the execution of her father for treason. Chaloner has been chosen as ambassador to Spain but his departure is delayed.
Sire, j’ay tousjours veillé et tenu la main, principallement depuis le commandement qu’il vous pleust m’en faire à descouvrir ce qui se traicteroict entre ce royaume et celui d’Escosse et à mesure que j’en ay apprins quelque chose, ne l’ayant peu faire tout en ung coup pour n’y avoir esté appelé, je le vous en ay ordinairement faict entendre comme vostre Majesté aura encores peu veoir depuis ma derniere depesche, depuis laquelle j’en ay sçeu de fort bon lieu tout le fondz, lequel, combien qu’il soict asséz conforme à ce que vous en ay dezja escript, je n’ay pour cela voulu laisser de vous en faire encores plus distinctement ung petit discours : se trouvant la Royne d’Escosse apres son arrivé aud. pais recherché de la ratiffication du traicté dont ceste ci avoict pris esperance sur quelque promesse qu’elle en avoict faicte avant son partement de France, les sieurs et nobles du pais jecterent à travers de leur part avecqu’ la pragticque et amitié de l’union de ces deulx royaumes ung incident de supplier ceste dameFootnote 128 d’asseurer la leur de sa succession comme bien indissoluble de lad. amitié qu’ilz vouloient contracter avec elle et son royaume ; de quoy l’offre feust commencé par LevinthonFootnote 129 soubz l’ombre de la visitation qu’il y veinct faire pour ladicte dame leur maitresse sans qu’elle feust aulcunement nommée en cela, pource que l’on lui eust peu opposer l’obligation en quoy elle se trouvoict. A laquelle sembloict qu’elle feust tenue de satisfaire avant que / demander aultre chose, monstrantz sesd. subiectz estre meuz de proposer franchement ce dernier poinct affin qu’il n’apportast difficulté au premier et prendre telle confiance envers cested. dame pour l’experience qu’ilz ont jà de sa bonne volonté et faveur envers eulx et là dessus ce sont depuis passées asséz de responces et replicques que neantmoingtz je ne m’arresteray à vous reciter. Mais la conclusion en est que lad. dame Royne d’Angleterre ne veult aulcunement entrer en ceste matiere de declarer son successeur qui est le seul poinct qui lui pourroict plus troubler son repos pour beaucoup de raisons qu’elle a sçeu alleguer, entre lesquelles est comptée l’inconstance de ceste nation et la preuve qu’elle en a veue en son endroict vivant la Royne Marie sa sœur pour ce desir que plusieurs avoient de changement selon leur inclination, dont pourroict bien advenir le semblable contre elle si lad. declaration estoict faicte, voulant par ce moyen laisser la decision de ce faict au jugement de Dieu sans en vouloir entre en autre congnoissance de son vivant ; combien qu’à son parler il semble que hors desdictz respectz et de son interest elle l’adjugeroict plustost à ladicte dame qu’à pieçe des aultres. Et pour ce que sur le propos de la ratiffication à quoy elle persiste, lesdictz Escossois lui remonstrent que le Traicté est tel que l’ayant ratiffié leur dicte Royne, elle ne pourroict par apres redemander son droict y escheant lieu à avenir s’il n’y estoict remedié par le moyen qu’ilz avoient mis en avant et que à ceste cause ne leur seroict honneste persuader ne consentir ladicte ratifficatio. Elle leur a respondu qu’au poinct de la quictation de son tiltre et armoiries soict couché que leurdicte Royne n’en usera durant sa vie ny ses enfantz si elle en a, y reservant neantmointz tel droict et interest qu’elle y peult par apres pretendre duquel l’asseuroict qu’elle ny sesdictz enfantz ne disposeroient jamais à son prejudice ; s’offrant encores pour mieulx venir à ses attentes, si elle la vouloict requerir de deputer commissaires pour veoir le traicté de y accorder aulx conditions susdictes, esquelles consistoict la reformation portée par Meothis, dont n’est encores sorti aultre conclusion pour s’en estre lesd. Escossois remis à la deliberation de ces estatz, actendant lesquelz la Royne a retenu pour son conseil le Prieur de Sainct André, les comtes d’Athol, le Mareschal de Morthon, de Hontlay et BodouelFootnote 130 ayant faict retirer de sa cour le duc et le comte son filz soubz couleur de la querelle qui est entre’eulx et led. Bodouel.Footnote 131 Quand au comte de Hertford et Madame Catherine, ilz sont toujours en la Tour où elle a eu permission de faire nourrir son filz avecqu’ soy. Et ha l’on oppinion que leur plus grande peine sera d’y estre continuéz pour s’asseurer d’eulx sans les faire mourir, qui me semble pas hors de propos, car oultre que l’on n’y trouve pas trop suffisant veriffication d’intelligence et sedition comme l’on presume y avoir et que la moderation / de la loy dont je vous ay escript les favorise s’il advenoict que ladicte Royne d’Escosse voulust cy apres troubler ceste ci, ladicte Catherine lui pourroict estre par le moyen de son filz ung bon instrument et obstacle pour renverser ses menées, à cause que ce peuple s’il en failloict venir là, aymeroict mieulx ung filz masle né au pais pour leur Roy que de retomber comme devant. Et peult bien estre pour ces considerations que cested. dame ce soict retenue de faire declaration d’inhabilité à sa succession contre lad. Catherine encor’ qu’elle en aict esté persuadé avecqu’ l’occasion de sa faulte et de la forfaicture de son père. Il y a asséz long temps que ceste Royne avoict determiné de changer son ambassadeur qui est en Espaigne et destiné pour son successeur mectre Chalanger.Footnote 132 Mais sa depesche a esté differée jusques à ceste heure qu’il est prest de partir pour s’y acheminer et croy que ce sera par vostre royaume.
Sire, je supplie le createur etc.
28. To Charles IX, 21 November 1561
Copy: BnF, fr. 17870, fos 24v–25v
De Seure has understood from de Foix the king's instructions. The complexity of the case does not yet permit a full response, though de Foix writes to the queen mother. He offers his limited conclusions, which will be modified by events. Morette, the envoy from Savoy, should still be suspect for his dealings with members of the Privy Council. The duke of Savoy has highly placed sources of intelligence here. The mission may simply be the usual innocuous princely desire for news but, since both the queen and his master have claims against the king of France, it could be that they are planning some joint actions during this time of trouble in France and this could only be with the knowledge of King Philip. Both of them have something to gain by the troubles in France, though Morette rowed back from his initial claim that the queen had agreed to send to the General Council (that is, the Council of Trent). Indeed, it is unlikely that she would abandon her opposition, especially given her desire for close ties with the German princes. As for the duty on French wines levied since Queen Mary's reign, she has not been willing to abolish this and has sought to reduce by a half the price conceded by past privilege so that importers will lose a third and more of the purchase price. Though princes may do what they like with their own taxes and one should not assume a malevolent intent, this might lead to something more. Opinions remain divided on the king of Sweden; his ambassador continues to assure that he is coming, though the contrary is indicated by his last exchanges with the queen, even though she said that all must depend on her sight of the king. Recent crying down of coinage.
Sire, estant icy arrivé Monsr de FoixFootnote 133 y a cinq ou six jours, j’ay entendu de lui l’occasion de sa depesche pardeça et ce qu’il avoict à me dire de vostre part en conformité de celle qu’il vous avoict pleu me faire du troisiesme de ce mois, laquelle je receups quelque peu de temps apres ; à quoy l’obscurité des choses dont l’esclaircissement requiert plus de loisir ne me permect vous respondre pour ceste heure bien particulierement comme ne faict la suffisance dud. sr de Foix vous bien dire de l’accomplissement de sa charge envers ceste Royne, d’aultant qu’il en escript tout le discours à la Royne vostre mere. Mais pour satisfaire cependant en ce que je puis à vostre bon plaisir et à mon debvoir, je ne laisseray de vous representer soubz l’arbitrage et bon jugement de voz Majestéz tout ce qui me semble avoir quelque apparence de conjecture qu’avéz que le faict m’aict plus de suicte, qui ne s’est encores descouvert qui receoipvent aultant plus de confirmation que les occasions auquelz ilz s’en pourroient attacher s’agitent en mesme temps. Et pour suivre mon propos, Sire, oultre que les deportementz du sr de MoretteFootnote 134 ne sont vuydés de soubspçon pour les particulieres conferences qu’il a avecqu’ beaucoup de personnes, mesme avecqu’ aulcuns du conseil et pour autres considerations et raisons, je sçay que son maistre a icy d’asséz long temps bonne eschelle d’intelligence qui est ung personnaige que j’ay nommé audict sr de Foix, lequel n’est pas maintenant cherché de visitations ny de solicitude à l’endroict dudict sr de Morette. Toutesfois je ne vous puis aultrement asseurer où cela tend, pouvant aussi tost ce moyen et emploi procedder du desir qui est commun à tous princes de sçavoir nouvelles les ungz des aultres, dont pour le moingtz la couverture est honneste que d’autre intention. Mais ayantz sondict me et ceste Royne tous deulx action contre vous il ne seroict pas aussi hors de propos que soubz persuasion d’avoir plus de faveur et facilité en leurs pretensions en s’accordantz de vous en assaillir tous deulx en ung temps mesmement / durant les troubles et divisions de vostre royaume, il se traicte quelque chose entr’eulx qui ne seroict pas, s’il advenoict, sans le sçeu du Roy Philippes, avecqu’ lequel leur cause est comme commune pour beaucoup de raisons que voz Majestéz peulvent considerer. Sur quoy je vous veulx bien dire qu’il semble desja que les actions de lui et de cested. dame monstrantz en cest endroict quelque correspondance prestent unanimement quelque consentement à vosd. troubles comme chose qui peult beaucoup fortifier leurs affaires mesme en ce que l’on m’a dict et dont l’ambassadeur propre m’a faict la feste, combien que depuis il s’en soict aulcunement retracté en la presence dudict sr de Foix, qu’elle lui a accordé d’envoyer au Concile. Ce que, si ainsi estoict, pourroict bien tendre à en tenir la pragticque unis de laisser soubz ceste esperance cependant en peine ceulx qui y sont sans resolution des choses qui les y mectent. Car il est certain qu’elle ne condscenderoict gueres aisement à chose qu’elle a refusée si obstinément ci devant quand il en a faict requerir ny contreviendroict à la confederation qu’elle a pour ce regard avecq’ les princes d’Allemaigne sans bien grande occasion. D’aultre part tant s’en fault qu’elle aict voulu abolir l’impost mis sur les vins françois qui feust faict du temps de la Royne Marie pour du tout en interdire le traffic à ceulx de ce royaume, en quoy j’avois dextrement suscité le moyen de ses mesmes subiiectz que maintenant monstrant vouloir executer l’intention de sa sœur et s’accorder en cela avecqu’ les Flamans qui en mesme temps ont voulu faire le semblable en leur pais, elle a rabaissé les prix concedé par privileige passé quand à ledict impost de la moictié, de sorte que ceulx qui en ont admené y perdront ceste année si elle n’en modere l’edict, plus du tiers de l’achapt principal et encores, Sire, que ces choses ne soient dignes d’estre attribuées à malveillance, pouvant chacun prince faire en ses estatz ce qui lui plaist ny que l’on en doibve aussi avoir plus maulvaise oppinion que de leur effect particulier comme de mon costé je ne veulx persuader à vostred. Majesté n’estant en cecy mon intention autre que de vous advertir de ce que je veoy toucher vostre service, si est ce que examinant leur consequence il semble qu’elles pourroient preparer le chemin à d’autres plus grandes, dont si je veoy plus d’apparence je ne fauldray le vous faire entendre. Quand au Roy de Suede les oppinions en sont tousiours departies et suspendues soubz l’asseurance que son ambassadeurFootnote 135 continue de donner de sa venue et les apparences que l’on veoict au contraire, qui sont beaucoup accordées par la derniere communicacion qu’il a eue avecqu’ lad. dame d’aultant que l’ayant pressée de quelque asseurance de son faict elle lui a respondu qu’elle vouloict tousiours avoir [prime ?] de se repentir et que son œil seroict le juge du consentement ou refuz qu’elle en debvroict faire, à quoy il en est demouré et actend pour sçavoir plus amples nouvelles de son me. Celui qui estoict / icy ambassadeur au paravant, lequel est parti pour revenir. Elle a ces jours passéz faict quelque nouveau descri de plusieurs especes d’or ainsi qu’il vous plaira veoir par l’edict que je vous en envoyeFootnote 136 et n’ayant pour le present autre chose qui merite vous escripre, je suppliray sur ce le Createur, Sire, etc.
29. To Charles IX, 29 November 1561
Copy: BnF, fr. 17870, fos 25v–26v
Continuing his observations on the mission of Morette from the duke of Savoy. The envoy, being lodged near de Seure, visited him on the day of his arrival. He insisted that his mission was one of compliments only and to announce the pregnancy of the duchess of Savoy; he said nothing about marriage negotiations. De Seure offered his lodgings but Morette preferred to find other lodgings nearer the court. According to someone present at his audience with the queen, when he raised the question of marriage, she said that she had not so lost the use of her limbs as to need a husband. She would only take one as a walking stick for old age. He also raised the question of the Council of Trent. De Seure does not know if the proposal involves the duke of Ferrara or, if it is simply a matter of finding out if she wishes to marry, whether a double proposal including the queen of Scots is involved. It is suggested that Morette had raised the question of the union between these two queens. There is some talk of the restitution of Calais and fortresses in Piedmont, but de Seure could not draw out Morette in the several meetings they had before the latter's departure for Scotland. He did, however, admit that he had touched on marriage with the queen, if only by relating the good wishes of the duke of Savoy for her marriage, with the message that he had a number of possible husbands in mind. The duke wished his friends to be at their ease and, having experienced adversity, was sensitive to the troubles of others. As for the Council, Morette had presented her with a letter from the nuncio in France, Santa Croce, at his second audience. The duke had promised him to do so when he passed through Piedmont, as one who, when last at Rome, had given the pope to believe that he knew something of the queen's disposition. She gave a vague answer and turned to asking about the position of the duke regarding the return of the Piedmont fortresses, saying that what happened to him was a good indicator of what she could expect from the French. He also brought letters from the duke to members of the Privy Council whom he had known in England when King Philip was there. The previous weekend, James Stewart passed through London from Scotland on a mission from Queen Mary to her uncles in Lorraine, partly concerning the Council. All de Seure could gather was goodwill to the union of these two kingdoms. De Quadra recently asked Elizabeth to call off the voyage of ships to the Guinea coast, lately held up here by bad weather, on the grounds of French respect for the treaty of Cateau-Cambrésis and the problems that would result from an armed confrontation there. He got no better answer than the one she gave to the Portuguese envoy in April.
Sire, par ma derniere depesche du xxije de ce moisFootnote 137 je vous ay faict entendre ce qui me sembloict concerner ce que m’aviéz escript touchant la venue pardeça du sr de Morette, afin seulement que le conferant avecqu’ le plus de certitude que pouvéz d’ailleurs avoir de l’occasion de icelles voz Majestéz en peussent faire plus clair jugement ; comme à mesme intention je n’ay à ceste heure voulu faillir vous faire le discours de ce que j’en ay peu apprendre et du chemin qu’il a tenu en tout son faict. Le jour de son arrivée s’estant logé asséz pres de moy, il me veinct veoir et me feist entendre sa charge n’estre fondée que sur visitations et sur les nouvelles de la groisise de madame de Savoye sans me rien dire ny vouloir confesser qui approchast du mariage dont il s’estoict laissé entendre pardelà depuis encores que je lui offrisse plusieurs fois mon logis et toutes aultres choses que je pouvois, il en alla prendre ung tout au pres de la cour, s’excusant sur le chemin qu’il y a du mien jusques là, qui de vray est asséz loing. Et à ce qu’on m’a dict ses premiers offices feurent de distribuer quelques lettres qu’il avoict de son me pour aulcuns du Conseil, actendant l’audience de la Royne qu’il a eue par deulx fois, sçavoir le jeudy et la dimanche. Et quoy qu’il y traicta, elle lui responndist ung coup à ce que quelcun m’a dict et rapporté qui estoit present, qu’elle n’avoict perdu la disposition de sa personne ny de ses jambes pour desirer d’avoir mary, lequel elle ne vouldroict prendre, si elle en estoict fiancée, que pour lui servir de scipionFootnote 138 ou baston de viellesse qui ne pouvoict estre sans qu’il lui teinct propos ; approchant de cela comme il m’a bien aussi par autre advis esté confirmé qu’il a faict emsemble touchant le Concile pour en sçavoir sa volonté et l’esmouvoir à y envoyer s’il pouvoict. Mais on ne m’en a encores sçeu dire aultre particularité ny de quelle part et moingtz quel parti il lui peult avoir proposé pour son mariage, estant bien neantmoingtz l’oppinion d’aulcuns que ce ne peult estre celui du duc de Ferrare et que s’il en a quelque charge qui tende plus avant qu’à descouvrir si elle a intention de se marier elle procedde d’autre lieu et doibt en ung besoing avoir double adresse entendantz Escosse pour la seconde au default de ceste ci. De quoy ilz se mectent en ce discours d’aultant qu’il a tenu, à ce qu’ilz disent, quelque langaige de l’accord et union de ces deulx Roynes et si ainsi estoict et qu’il en entamast là le traffic, j’estime bien que mr de Foix en fauldroict à le descouvrir. L’on m’a aussi dict que parmy ces negoces / (qu’ilz ont traicté emsemble) il c’est faict quelque mention des restitutions dont il est question.Footnote 139 Mais je n’en ay aultrement sçeu ny les parolles ny l’intention, combien que j’aye par beaulx moyens tasché à tirer de lui mesme quelque clairté du tout, l’ayant convié et festoyé expressement trois ou quatre fois avant son acheminement en Escosse, qui feust mardy dernier. Vray est que pour faire l’ouvert et m’oster paravanture le soubzçon que je pouvois prendre s’il m’eust entierement celé ce qu’il a pensé que je pourrois sçavoir d’ailleurs, il m’a en fin confessé d’avoir parlé de tous les trois poinctz susd., toutesfois avecqu’excuse qu’il m’a faicte que ce n’a esté en intention d’y entrer plus avant et que ce qu’il a touché du mariage n’a esté qu’en termes generaulx sur la nouvelle de la groisise de Madame de Savoye, qui lui donnoict argument de dire à ceste Royne que son me lui desiroict occasion par ung bon mariage dont il avoict bonne provision en sa manche, d’avoir semblable faict et contentement comme il faisoict encores d’entendre que tous ces differendz feussent bien pacifiéz affin que demourantz tous ses amis en repos il peust aussi plus aysément de son costé joyr de celui où il est maintenant, lequel il prise davantaige pour l’experience qu’il a eue du contraire, voulant inferer, ce dict il, que les troubles d’aultrui lui en pourroient aussi esmouvoir comme homme qui seroict paravanture contrainct de s’en mesler d’un costé ou d’aultre. Quant au Concile que seulement il lui avoict presenté en la seconde audience où il feust pres de deulx heures avecqu’elle une lettre de Monsr le LegatFootnote 140 qui est aupres de vous tendant à en sonder sa determination et si elle se pourroict conduire à y envoyer, de laquelle il avoict eu commandement se charger pour la priere que ledict Legat en avoict faicte passant par Piedmont à sondict me qui lui dist avoir deslors deliberé l’envoyer pour les susdictz offices d’aultant que lui mesme estant dernierement à Romme en avoict donné asséz bonne esperance au pape comme personne qui aiant esté au paravant pardeça estimoict avoir congneu quelque chose de sa disposition en cest endroict. Sur quoy elle lui avoict faict asséz honneste responce de tel sens neantmoingtz que l’interpretation en demeuroict tousjours à son plaisir et advantaige et qu’apres toutes ces choses elle s’estoict enquise de l’estat des affaires de sondict maistre, particulierement comment il estoict avecqu’ vous touchant sadicte restitution, disant que ce qui en adviendroict lui seroict exemple de ce qu’elle pourroict esperer de la sienne, dont il ne peust moingtz faire que de lui conter des nouvelles ne m’ayant pas aussi nié d’avoir apporté lettres de lui pour quelques ungs du Conseil qui sont de sa congnoissance dès le temps que le Roy Philippes tenoict ce royaume. Mais elles ne portent, à son dire, que refraichissement de leurdicte congnoissance et amitié qui est en somme ce que j’ay peu de tous costés recueillir de son faict, / lequel semble ne debvoir estre sans plus longue queue puisque lui mesme en confesse si avant de quoy neantmointz je laisserai sur cela le jugement de vos Majestéz et ne fauldrai à vous advertir de ce que j’en pourray descouvrir davantaige, que je feray par avanture plus aisément à son retour pour ce qu’il s’est ici laissé entendre vouloir lors faire ici quelque sejour, ce que, si ainsi est, n’effacera pas l’ombre que porte son voyage, estant croyable qu’il ne s’y arresteroict sans occasion. Au reste, sabmedy dernierFootnote 141 y arriva l’abbé de St Cosme, Escossois, qui est des StuardzFootnote 142 et ayant le dimanche esté devers la Royne il partist le lundy au matinFootnote 143 en grande diligence pour aller de la part de la Royne sa maistresse veoir messieurs ses oncles en Lorraine conferer quelque chose de ses affaires et entre autres de celle du Concile, selon que j’ay peu tirer de l’un de ses gentz, par lequel il m’envoya hyer visiter, mais il ne me voulut rien lascher du demeurant sinon de l’esperance qu’ilz ont d’une bonne amitié et union entre ces deulx royaumes. Ces jours passéz l’ambassadeur d’Espaigne a faict grand instance envers ceste dame pour faire rompre le voyage des navires destinéz de long temps pour aller à la cote de Guynée, lesquelz avoient relasché, ainsi que vous ay cydevant escript, en ceste coste par contraincte et maulvais temps en s’aydant du droict que le Roy de Portugal a en tous ses pais là du respect que lui portent maintenant les François depuis la paix faicte et de l’inconvenient qui peult succeder de leurdict voyage s’ilz se rencontrent, comme il peult advenir, avec l’armée qu’il tient ordinairement à la garde desd. pais.Footnote 144 De quoy il n’a eu responce plus favorable que celle qu’elle avoict faicte dès ce mois d’apvril dernier à ung Portugais qui feust lors icy envoyé pour ce faict, qui est qu’elle ne leur permectera d’aller en aulcun lieu qui soict du tribut, obeissance et peuple des subiectz dudict sr pour le respect de la requeste qu’on lui en a faicte et de l’amitié qu’elle a avecques lui, ains seulement ès autres lieulx qui ne lui appartiennent, monstant bien par là le chemin que deubssent tenir ses voysins de preferer, quelque amitié qu’il y aict. Sire, je prie nostre Seigneur etc.Footnote 145
