WElcum, illustrat Lady, and our Quene,

Welcum our Lyone with the Floure-de-Lyce;

Welcum our Thistle with the Lorane Grene;

Welcum our Rubent Rose upon the Ryce,

Welcum our Jem, and joyfull Gentryce; 5

Welcum our Beil of Albion to beir;

Welcum our plesand Princes maist of Pryce,

God give you Grace agains this gude new Zeir.

II.

This Gude New Zeir we hope with Grace of God,

Sall be of Peace, Tranquility and Rest; 10

This Zeir sal Richt and Reason rule the Rod,

Quhilk sae lang Season has bene sair suprest;

This Zeir firm Faith sall freily be confest,

And all eronious Questions put arreir

To labour that this Lyfe amang us left, 15

God give zou Grace agains this gude new Zeir.